НОК-оос цаг үеийн асуудлаар мэдээлж байна.
Орны хүрэлцээ, эмнэлгийн тусламж үйлчилгээ ямар нөхцөлд байгааг мэдээлж байна.
Нийслэлийн эрүүл мэндийн газрын дарга Б.Бямбадорж:
Халдварын эсрэг хариу арга хэмжээний хүрээнд 11 төрлийн үйл ажиллагааг явуулж байна. Нийслэлийн халдварын тархалтын байдлыг ажиглахад сүүлийн сарын хугацаанд тархалт огцом нэмэгдсэн.
Хэвтэн эмчлүүлэлт, тусгаарлах байрнаас халдвар ихээхэн тархсан. Халдвар нэмэгдсэн долоо хоногоос дархлаажуулалт багассан.
Хоёр болон гурав дахь тунгийн идэвх багассан байна. Гуравдугаар тунд хамрагдаж байж эрсдэл багасна.
Сүүлийн дөрвөн долоо хоногт эмчлүүлж байгаа хүмүүсийн тоо огцом нэмэгдсэн. Эмнэлэгт хэвтэн эмчлүүлж байгаа хүнд нөхцөл байдалтай хүмүүсийн тоо нэмэгдсэн.
Өнөөдрийн байдлаар 5986 ор бий. Гэтэл 109 хувийн илүү ачаалалтай ажиллаж байна.
Яармаг дахь НЗДТГ-ын шинэ байранд дэлгэсэн 120 орыг Хан-Уул дүүрэг дэх эмнэлэг рүү шилжүүлнэ. Үүнд 500 орчим сая төгрөг хэрэг болно.
НЗДТГ-ын хэвлэлийн төлөөлөгч Н.Сугар:
Мутацад орсон вирусийн улмаас эмчилгээний хугацаа 14-өөс 21 хоног болтлоо уртассан.
Эмнэлэгт хэвтэж байгаа хүмүүсийн 80 хувь нь хүнд оноштой. Үлдсэн 20 хувь нь хавсарсан суурь өвчтэй хүмүүс бий.
Орны тоог нэмэхгүй байгаа шалтгаан нь хүн хүчтэй холбоотой. Ор олноор нь дэлгэх нөхцөл мөн одоогоор хомс байна.
Нийслэлд сүүлд 152 ор шинээр дэлгэсэн ба дахин 300 орыг аравдугаар сарын 1-нээс дэлгэнэ. Өчигдрийн байдлаар эмнэлэгт хэвтэх нэн шаардлагатай 150 хүн байна.
Өнөөдөр нийслэлд 2000 гаруй хүн КОВИД-19-тэй тэмцэх чиглэлд ажиллаж байна. Гэвч нийтдээ 4000 орчим хүн ажиллаж байж эмнэлгийн тусламж үйлчилгээ хангалттай хэмжээнд хүрнэ.
Орны хүрэлцээ, эмнэлгийн тусламж үйлчилгээ ямар нөхцөлд байгааг мэдээлж байна.
Өнөөдрийн байдлаар эмнэлэг хэвтэн эмчлүүлж буй хүмүүсийн орны эргэлт удааширсан. Мөн эмнэлэгт хэвтэж байгаа өвчтөний хөнгөвтөр, хүндэвтэр гэсэн оноштой хүний тоо илүү их байна. Тиймээс цаашдаа нэн хүнд, хүнд гэсэн оноштой иргэдийг эмнэлэгт хэвтүүлэх тал дээр анхаарах талаар хэллээ.