АНУ-ын 16 муж улсад санал хураалт дуусахад нэг цагийн хугацаа үлдээд байна. Урьдчилсан байдлаар нэр дэвшигч Хиллари Клинтон Вермонт, Иллиной, Мэрилэнд, Вашингтон ДС, Делавер, Нью-Жерси, Массачусетс, Рөүд-Айленд зэрэг 8 мужид санал аваад байгаа бол Дональд Трамп Индиана, Кентакки, Баруун Виржиниа, Миссиппи, Оклахама мужид зургаан санал авчээ.
АНУ-ын Ерөнхийлөгчийн сонгуулийн санал хураалтын дүн гарч эхэллээ. Одоогоор 14 мужийн дүн эцэслэн гарсны зургаад нь БНН-аас нэр дэвшигч Д.Трамп ялалт байгуулаад байна.
Тэрээр Индиана, Кентакки, Баруун Виржини мужид ялж, Х.Клинтон Вермонт мужид илүүрхжээ. Ингэснээр Д.Трампын төлөөлөгчийн саналын тоо 48 болсон бол Х.Клинтоных 68 байна.
Харин нийт сонгогчдын саналын тоогоор ч БНН-ын нэр дэвшигч өрсөлдөгчөөсөө нэг орчим хувиар илүү явна.
Одоогоор “Хөвөгч” гэж нэрлэгддэг Флорида, Нью Хэмпшир мужид санал тооллого үргэлжилж байна. Ерөнхийлөгчийн сонгуулийн дүр зураг дээрх мужийн үр дүн гарсны дараа нэлээд тодорхой болж ирэх юм байна.
