Өсвөрийн боксчдийн улсын аварга шалгаруулах тэмцээн ОБЕГ-ын “Аврагч” спорт хорооны зааланд эхэллээ. Монгол Улсын гавьяат дасгалжуулагч Б.Олзодын нэрэмжит өсвөрийн боксчдийн тэмцээн нь энэ сарын 3-7-ны өдрүүдэд үргэлжилж шилдгүүдээ тодруулна.
Энэ удаагийн тэмцээнд 38 байгууллагын 248 тамирчин эрэгтэй 10 жин, эмэгтэй зургаан жинд өрсөлдөж байна. Энэ жилийн тэмцээний онцлог нь шилдэгээр шалгарсан боксчид Ази тивийн аварга шалгаруулах болон Дэлхийн аварга шалгаруулах тэмцээнүүдэд оролцох эрхтэй болно. Мөн энэ удаагийн тэмцээнд хөдөө орон нутгаас Төв, Сэлэнгэ, Өвөрхангай аймгуудаас тамирчид ирж оролцож байгаа юм байна.
О.Ариунцэцэг