Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан УИХ намрын чуулганаар Өршөөл үзүүлэх тухай хуулийг баталсан. Уг хуулийг хэрэгжүүлэх ажлыг зохион байгуулах комисс өнөөдөр Хууль зүйн байнгын хороонд тайлангаа танилцуулах юм байна.
Өршөөл үзүүлэх тухай хуульд 2000 орчим иргэн хамрагдсан гэх мэдээлэл бий ч ажлын хэсгийнхэн нарийвчилсан тоо баримтыг өнөөдөр олон нийтэд өгөх аж.
Мөн Хууль зүйн байнгын хорооны хуралдаанаар Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах журамд өөрчлөлт оруулах эсэх асуудлыг хэлэлцэх юм.