Жүдо бөхийн насанд хүрэгчдийн ДАШТ Азербайжаны нийслэл Баку хотноо өнөөдөр хоёр дахь өдрөө үргэлжилж, эрэгтэй 66, эмэгтэй 52 кг-ын жингийн медальтнууд тодорно. Манай улсаас дээрх жингүүдэд ОУХМ Г.Хэрлэн, Б.Хорлоодой, Г.Ганцэцэг нар барилдах юм.
Эрэгтэй 66 кг
ОУХМ Г.Хэрлэн В хэсэгт хуваарилагджээ. Тэрээр эхний тойрогт гоц мөргөөд Туркийн Шинан Сандалтай барилдах оноолт таарсан байна. Турк бөхийг ялбал Доминиканы вандер Матео, Мороккогийн Абдеррахман Баушита нарын ялсантай хүч үзнэ. Тэнд ялбал Унгар, ӨАБНУ, Ирландын бөхчүүд манай бөхийг хүлээж байна. ерөнхийдөө дээрх учраануудаа хожиж шөвгийн наймд үлдээд Израилийн Баруч Шмайлов, Францын Даниэль Жан, Казахстаны Ерлан Серикжанов нарын хэн нэгэнтэй нь хэсгийн аваргын төлөө барилдах болов уу.
Эмэгтэй 52 кг
СМ Ганболдын Ганцэцэг Австралийн Тинка Ийстентэй эхний барилдаанаа хийнэ. Ялбал Бразил, Унгарын ялсантай. Унгарын бөх эхнний даваанд Вьетнамтай таарсан тул ялаад Бразилтай барилдана гэж тааж байна.
ОУХМ Бишрэлтийн Хорлоодой эхний даваанд Узбекистаны Гульноза Зияаеватай таарчээ.