Үндэсний бөхийн өсвөр үеийн улсын аварга шалгаруулах 52 дахь удаагийн тэмцээн Дорноговь аймгийн төв Сайншанд хотод энэ сарын 2-4-ний өдрүүдэд боллоо. Гурван насны ангилаар болсон энэхүү тэмцээнд Орхон, Баян-Өлгийгөөс бусад 19 аймаг, Улаанбаатар хотын есөн дүүргээс шалгарсан 16, 17, 18 насны 80 гаруй бөхчүүд хүч үзжээ. 16 насны ангилалд Н.Өсөхбаяр /Сүхбаатар аймаг/, 17 насанд Б.Лхагвадорж /Чингэлтэй дүүрэг/, 18 насанд /28 бөх/ Б.Бат-Эрдэнэ /Дорноговь/ нар түрүүлсэн юм. Багийн дүнгээр Чингэлтэй дүүргийн БТСХ тэргүүлсэн юм.