Өмнөд Солонгос улсын Төв банк өнгөрсөн жил “Солонгос улс 2020 он гэхэд зоосон мөнгийг гүйлгээнээс хасахаар боллоо” хэмээн мэдээлэлж байсан юм.
Тэгвэл 2017 оны 1-р сарын 1-нээс эхлэн зоосон мөнгийг гүйлгээнээс хасах ажлыг бодитоор хэрэгжүүлэхээр болсон байна.
Тухайлбал дэлгүүр, хоолны газар болон үйлчилгээний газрууд задгай зоосон мөнгө хариулж өгөх шаардлага гарсан тохиолдолд хариулттай тэнцэх мөнгөн дүнг, тухайн хүний нийтийн тээврээр үйлчлүүлэх автобусны карт эсвэл банкны картанд нь цахим гүйлгээгээр нэмж өгөхөөр болжээ.
Солонгос улсад эдүгээ 10, 50, 100-тын зоосон мөнгийг гүйлгээнд хэрэглэж байгаа юм байна.
Гэвч дэлхийн 140 гаруй оронтой хийж байгаа гадаад харилцааны төлбөр тооцоонд задгай мөнгө хэрэглэх нь тийм ч тохиромжтой биш байгаа төдийгүй зоосон мөнгө үйлдвэрлэх зардал их байгаагаас үүдэн зоосон мөнгийг гүйлгээнээс хасахаар шийдвэрлэжээ.
Зоосон мөнгийг гүйлгээнээс хассанаар тухайн улсын иргэдийн бэлэн мөнгөөр тооцоо хийх хэрэглээ багасах ба ингэснээрээ иргэд мөнгөө хаяж гээх, хулгайд алдах зэрэг эрсдлээс сэргийлдэг.
Эдүгээ Англи, Швед, Дани зэрэг орнууд зоосон мөнгийг гүйлгээнээс хассан байна.