Монголын 3×3 сагсан бөмбөгийн холбоо болон нийслэлийн Засаг даргын Тамгын газрын хамтран зохион байгуулж буй “Ulaanbaatar cup” тэмцээний Багануур дүүргийн шилдгүүд өчигдөр тодорлоо.
Тус дүүргийн аварга багаар “Баруун Туруун” шалгарсан бол хоёрдугаар байрт “Zaisan” баг шалгарч финалд оролцох эрх болон мөнгөн шагналаар шагнуулжээ.
Энэхүү тэмцээний аварга баг нь ирэх долдугаар сард болох FIBA 3×3 их дуулгад оролцох эрх авах юм.
Өнөөдөр Сонгинохайрхан дүүргийн аварга багууд тодорно гэж Монголын 3х3 сагсан бөмбөгийн холбооноос мэдээлэв.
