“Тогтоолд өөрчлөлт оруулах тухай” УИХ-ын тогтоолын төсөлтэй
холбогдуулан УИХ-ын гишүүдээс Нөхөн сонгуулийг 2021 оны аравдугаар сарын 10-нд
зохион байгуулах талаар гишүүдээс санал асуулга авав.
УИХ-ын 2020 оны сонгуулийн
Сонгинохайрхан дүүргийн 26-р тойргоос нэр дэвшсэн Д.Сумъяабазар Хотын дарга
болсон учраас түүний оронд нөхөн сонгуулийг 2021 оны Ерөнхийлөгчийн сонгуультай
хамтатгахаар УИХ тогтоол баталсан ч энэ удаад өөрчлөлт оруулж, 2021 оны
аравдугаар сард зохион байгуулахаар болсон юм.
Харин өнөөдрийн чуулганы нэгдсэн хуралдаанаар техникийн хүндрэл үүсэж болзошгүй гэсэн үндэслэлээр уг сонгуулийн санал хураалт явуулах өдрийг өөрчлөх тогтоолын төслийг хэлэлцлээ.
Тодруулбал, УИХ-ын сонгуулийн 28 дугаар тойрогт явуулах нөхөн сонгуулийг 2021 оны 10 дугаар сарын 10-ны өдөр явуулах тогтоолын төсөл боловсруулжээ.
“Тогтоолд өөрчлөлт оруулах тухай” УИХ-ын тогтоолын төслийг
батлах санал хураалтад нийт 68 гишүүнээс 35 дэмжиж, 51.5 хувийн саналаар
баталлаа.