УИХ-ын чуулганы баасан гарагийн хуралдаан эхэллээ.
Хуралдааны эхэнд УИХ-ын дарга М.Энхболд хэлэлцэх асуудлын дарааллыг танилцуулав. Өнөөдрийн хуралдаанаар Үндсэн хуулийн цэцийн 2017 оны 06 дугаар дүгнэлт, ирэх оны төсөв болон 2018 оны төсвийн хүрээний мэдэгдэл, 2019-2020 оны төсвийн төсөөллийн тухай хуульд өөрчлөлт оруулах тухай зэрэг хууль тогтоомжийг хэлэлцэхээр товложээ.
Харин үдээс хойшхи хуралдаанаар Эдийн засгийг сэргээх хөтөлбөрийн хэрэгжилтийн талаарх Ерөнхий сайдын мэдээллийг сонсох юм. Хэлэлцэх асуудалтай холбогдуулж ямар нэг саналтай гишүүн байгаагүй тул чуулганы товын дагуу хуралдаж байна.