УИХ-ын гишүүн Х.Баттулга Хуульзүйн сайд Д.Дорлигжавт албан бичиг илгээжээ. Тус албан бичигтээ ЦЕГ-ын дарга Р.Чингисийг шалгаж өгөхийг хүссэн байна.
Өнгөрсөн даваа гаригт УИХ-ын гишүүн Х.Баттулгын “Женко” группийн охин компани болох “Баялгийн хувь”, “Түмэн хишигтэн” компанийн санхүүгийн тайланд хууль хяналтынхан нэгжлэг, шалгалт хийсэн. Харин Х.Баттулга гишүүн хууль хяналтынхан энэ ажиллагааг явуулахдаа хүч хэрэглэж, амь насанд нь халдахыг завдсан хэмээн үзсэн байна. Тэрбээр шаардлагагүй үед тусгай ажиллагаа явуулсан учраас ЦЕГ-ын даргыг шалгах ёстой хэмээн албан бичиг илгээжээ.
