УИХ-ын
дарга З.Энхболд, Эрчим хүчний сайд М.Сономпил нар өнөөдөр эрчим хүчний салбарын
ажил албатай танилцах юм байна. Хамгийн түрүүнд зорин очих газар бол
Амгалан ДС юм. Амгалан дулааны станц ашиглалтад орсноор Баянзүрх дүүргийн 20
гаруй мянган айл өрхийн дулаан хангамжийг шийдвэрлэх боломж бүрдэх юм.
Төслийн ажил өнгөрсөн оны наймдугаар сарын 23-нд эхэлсэн ч газар чөлөөлөлтөөөс
шалтгаалан хугацаа алдсан тал бий. Тус станцын эхний хэсгийг энэ ондоо багтаан
хүлээлгэн өгөхөөр ажиллаж байгаа юм.
УИХ-ын
дарга З.Энхболд, Эрчим хүчний сайд М.Сономпил нар мөн “Дулааны цахилгаан станц
III”-ын IX зуухны өргөтгөл, “Дулааны цахилгаан станц IV”-ын 123 мВт-ын
өргөтгөл зэрэг эрчим хүчний салбарт хийгдэж байгаа томоохон бүтээн
байгуулалттай танилцана.