Өглөө сэрэнгүүтээ хэзээ ч хийж болохгүй долоон үйлдэл

Өглөөг яаж угтах нь тэр өдөр хэрхэн өнгөрөхийн илэрхийлэл болдог. Тиймээс өглөө сэрснээсээ авахуулаад ямар үйл хөдлөл хийж, орноосоо хэрхэн босох хүртэл тэр өдрийг хэр эрч хүчтэй, бүтээмжтэй өнгөрүүлэхийг илтгэж байдаг. Тиймээс энэ удаа уншигчдадаа зориулж, өглөө сэрэнгүүтээ юунаас татгалзсанаар өдрөө хэрхэн үр бүтээмжтэй өнгөрүүлж болохыг хүргэж байна.

1. “Snooze” товчийг хэзээ ч бүү дар!

Өглөө сэрүүлгээ сонсон сэрсэн ч дахиад тавхан минут, аравхан минут унтчихъя хэмээн өөрийгөө хуурч, “snooze” товчлуурыг бидний ихэнхи нь дардаг. Үнэндээ ингэж эргэж унтсанаар бид эцэс төгсгөлгүй нойрны циклд ордог бөгөөд дахин сэрэх үедээ маш их ядарч, залхуу хүрсэн, эрч хүчгүй болсон байдаг. Тиймээс нойр судлалын мэргэжилтнүүд хэрвээ өдрөө эрч хүчтэй өнгөрөөхийш хүсч байвал ухаалаг утсан дээрх “snooze” товчлуурыг хэрэглэлгүй, сэрсэн даруйдаа босохыг зөвлөж байна.

2. Сэрснийхээ дараа удаан хэвтэх хэрэггүй

Өглөө сэрсэн даруйдаа орондоо хэвтэх зуураа хөл, гараа сунган суниа. Суниаж, сунгалт хийснээр сэтгэл санааг сайхан болгож, өөртөө итгэх итгэлийг нэмэгдүүлж байдгийг та мэдэх үү? Харин орондоо үүнээс илүү бүү удаан хэвтээрэй. Буцаад унтмаар санагдаж, стрессний түвшинг нэмэгдүүлэх сөрөг талтай.

3. Өглөө сэрэнгүүтээ цахим хаягаа бүү шалга!

Сэрэнгүүтээ цахим хаяг, мэйлээ шалгаснаар хийх ёстой чухал зүйлүүдийн чинь цагаас хумслах аюултай. Хурдхан шиг хальтхан харчихаад л босно гэж боддог ч үнэндээ бид өглөөний хамаг цагаа гар утсандаа зарцуулсан байх вий. Тиймээс яаралтай дуудлага, зурвас ирээгүй л бол сэрэнгүүтээ бүү утсаа шагай. Цаг хугацаанаас гадна өглөөний эрч хүчийг сорох муу талтай.

4. Ороо хураа!

Өдрийг үр бүтээмжтэй, сэтгэл дүүрэн өнгөрүүлэх өглөөг хэрхэн угтахаас эхэлдэг бол өглөөгөө ороо хураахаас эхлээрэй. Яарч байгаа, завгүй гэх шалтгаанаар ороо хураалгүй гарч одох нь олонтаа. Гэхдээ ороо ч хураах хэдхэн минут, секунд өөртөө гаргаж чадахгүйгээр таныг яаж үр бүтээлтэй хүн гэж хэлэх вэ? Ороо хураах гэдэг маш энгийн ажлаа бүтээснийхээ дараа дараагийнхаа ажлуудыг ч мөн бүтээгээрэй.

5. Кофеноос татгалз!

Хэрвээ та өглөө босонгуутаа кофе уудаг нэгэн бол энэ зуршлынхаа тухай эргэн харах хэрэгтэй болох нь.Учир нь өглөөний 8-9 цагийн хооронд хүний бие кортизол хэмээх энерги зохицуулагч гормоныг ихээр гаргаж байдаг. Тиймээс өглөөний 9:30 цагаас өмнө кофе ууснаар хүний эрч хүчийг бууруулдаг хэмээн мэргэжилтнүүд үзжээ.

6. Харанхуйд сэрэх

Хүний биеийн дотоод цаг харанхуйд мэдрэг байдаг. Хэрвээ та нарны гэрэл хараахан гараагүй үүед, эсвэл бүдэг гэрэлд сэрвэл хүний тархиний үйл ажиллагаанд сөргөөр нөлөөлж, нойр хүргэх болно. Тиймээс гэрэл муутай орчинд сэрвэл хөшгөө том гэгч нь онгойлгоод гэрлээ асааж суугаарай.

7. Зуршил бол бүх зүйл

Эрдэмтдийн зөвлөснөөр, хүн өглөөгөө үр бүтээлтэй байлгахын тулд хүчээр олон жижиг ажил хийх нь таныг эрч хүчгүй болгож, өдрийн үлдсэн хэсэгт та ядарсан мэдрэмж авдаг байна. Үүний оронд өглөөдөө өмнөх оройноос нь эхэлж бэлтгэлтэй бай. Бэлтгэлтэй байхад өглөө заавал их зүйл хийж, тэр өдрийнхөө эрч хүчийг алдах хэрэг гарахгүй шүү дээ. Тиймээс аливааг цаг тухай бүрт нь хийн гүйцэлдүүлж, өглөөг зөвхөн хийх ёстой зүйлдээ л зориулж сураарай.