“Өдрийн сонин”-ы мягмар гаригийн дугаар хэвлэгдэн гарлаа.
Энэ дугаарт нийтлэлч Б.Цэнддоогийн “Яаж улстөрч болох вэ” фельетон нийтлэгдлээ. Түүний “Онцолж хэлэхэд нэг ч сонгогчид тус хүргэж болдоггүй юм. Хэрэв тэгвэл үлдсэн бусад нь чамайг хардаад сүйд хийнэ. Манай сонгогчид хэн нэгэнд нь тусалдаг улстөрчөөс хэнд нь ч тусалдаггүй тэгш гадуурхдагийг нь сайнд тооцдог онцлогтой” гэх мэт ёжтой егөөгөөр дүүрэн фельетоныг таны өмнө дэлгэж байна.
“Өдрийн сурвалжлага” Азийн залуу бизнес эрхлэгчдийн форумыг онцоллоо. Энэ форум Азийн залуусын ерөнхий ассамблейн хүрээнд болсон юм. Азийн бизнесмэнүүд Монголд хөрөнгө оруулах сонирхлоо илэрхийлсэн энэ чуулганы үеэр ямар асуудлуудыг онцолж ярьсныг өнөөдрийн дугаараас уншаарай.
“Улс төр” нүүрт М.Энхсайхантай хийсэн“Ерөнхий сайд хэвлэл мэдээллээр дажин хийхгүй байхыг үүрэг болгосон” гэсэн ярилцлага нийтлэгдлээ. Тэрээр олны анхаарал татсан асуудлуудаар байр сууриа илэрхийлсэн юм. Таван толгойн ажлын хэсгийг ахалж, “Сумитомо”, ”Шинхуа”-тай тохироонд хүрч чадсан энэ эрхэм УИХ дээр хэлэлцэгдэж буй Таван толгойн асуудлаар “Аль болох цаг хожвол сайнсан. Төслийн үндсэн параметрийг хөндөхгүй бол буруу зөв ойлгогдох асуудал байвал сайжруулах бололцоотой” хэмээн байр сууриа илэрхийллээ.
Оюу толгойн далд уурхайн бүтээн байгуулалт үргэлжилнэ гэсэн шийдвэр хөрөнгө оруулагчдад Монголд мөнгөө хийх итгэл төрүүлжээ. Монгол, Английн дунд хөрөнгө оруулалтын зууч болж ажилладаг шинжээч Ч.Эрдэнэдалай энэ талаар байр сууриа илэрхийллээ. Түүнтэй хийсэн “Оюу толгойн далд уурхайг хөдөлгөх шийдвэр гарсан өдөр TRQ-гийн 20 сая хувьцаа арилжаалагдсан” гэсэн ярилцлага дөрөвдүгээр нүүрэнд нийтлэгдлээ.
Төрийн ордонд гарсан хулгайн хэрэгт хамгаалалт, үйлчилгээний ажилтнуудыг сэжиглэж эхэлжээ. “Үйл явдал” нүүрэнд энэ талаар дэлгэрэнгүй мэдээллийг багтаалаа.
Соёлын үйлдвэрлэлээр эдийн засагт баялаг бүтээнэ гэсэн хандлага дэлхийд хүчээ авч байна. Энэ сэдвийг хөндсөн олон улсын чуулга уулзалтын сурвалжлага өнөөдрийн дугаарт нийтлэгдлээ.
“Дэлхий мэдээ” булан Украйны Ерөнхий сайд асан Ю.Тимошенкогийн ярилцлагыг онцолж байна. Тэрээр “Минскийн гэрээ гэдэг нь Путины заль. Оросын төрийн тэргүүн тохиролцохыг хүссэн бол Украин, Европын холбоо гээд бүх л ардчилсан ертөнцтэй тохиролцож, хэл амаа ололцох байсан” хэмээн ярьжээ.
“Ази, Европыг холбосон Станбулын тэнгэр дор” аян замын тэмдэглэл 11 дүгээр нүүрэнд нийтлэгдлээ.
Нисэх хүчний 90 жилийн ойн үзэсгэлэнд тавьсан хуучны ховор зургууд, нисгэгчдийн хэрэглэж байсан эд зүйлсийн талаарх гэрэл зургийн сурвалжлага энэ өдрийн дугаарт багтсан байгаа.
Дашрамд дуулгахад, “Өдрийн сонин”-ы хоёрдугаар улирлын нэмэлт захиалга явагдаж байна. Манай сониныг захиалахыг хүсвэл 9911-2954, 8811-1375 дугаарт холбогдож захиалгаа өгөөрэй. Мөн цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
Эрхэм уншигч та, манай сонинг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлана уу.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ