“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Даваа гариг бүрд бид “Танай өнжье” булангаа хүргэдэг уламжлалтай билээ. Нар хур тэгширч бөхтэй, морьтой, суртай монгол наадам айсуй энэ өдрүүдэд Төв цэнгэлдэхийн нэгэн гуанзанд өнжлөө. Үндэсний дээл хувцсаараа гоёсон монголчууд наадмын талбайгаар орж хэн түрүүлж, хэний морь хурдалж, хэний сум мэргэн байгааг сонирхохын сацуу хуушуураа заавал амтархан идэцгээдэг. Хуушуурын амт ямар байсан тухай яриа ч нэг хэсэгтээ тасардаггүй. Тиймээс наадмыг хуушуургүйгээр төсөөлөхийн аргагүй байдаг. “Танайд өнжье” буланг нэг, 12, 13 дугаар нүүрээс уншаарай.
АНУ-ын Төрийн нарийн бичгийн дарга Жон Керри өчигдөр өглөөний 08:00 цагаас 14:00 цаг хүртэл манай улсад албан ёсны айлчлал хийгээд буцлаа. Тэрээр Монголд газардсаныхаа дараа Гадаад хэргийн яаманд зочилж, Гадаад хэргийн сайд Л.Пүрэвсүрэнтэй албан ёсны хэлэлцээ хийсэн ба дараа нь Монголын шилдэг залуустай чөлөөт уулзалт хийсэн юм. Үүний дараа Монголын урлаг соёлын нэгээхэн хэсэг болсон бэсрэг наадам үзэж сонирхсоноор түүний айлчлал өндөрлөсөн билээ. Ноён Жон Керригийн энэхүү айлчлалынх талаарх сурвалжлагыг нэг хоёрдугаар нүүрт хэвлэлээ.
“Өдрийн сонин”-ы нийтлэлийн бодлогыг тодорхойлж байдаг, алдарт гуравдугаар нүүрт “УИХ-ын сонгуульд нэр дэвшигчдийн хэн нь хэн бэ?” нийтлэлийн үргэлжлэл хэвлэгдэн гарлаа.
Эгийн гол дээр баригдах Усан цахилгаан станцын төслийн захирал Д.Одхүүгийн “Эгийн голын УЦС арав дахин хямд цахилгаан үйлдвэрлэнэ” хэмээх ярилцлагыг өнөөдрийн дугаарын нэг, 11 дүгээр нүүртээ нийтлээд байна. Энэхүү төслийн талаар Д.Одхүү захирал хэлэхдээ “Эгийн голын усан цахилгаан станц ойрын 6-8 жилд бүрэн хүчин чадлаараа ашиглалтад орох төлөвлөгөөтэй. Гэхдээ ус дүүргэлтээс хамаарна. Энэ төсөл 25 жил яригдаж байна. Усаа шаардлагатай хэмжээнд хурааснаар 315 мегаватт эрчим хүч үйлдвэрлэнэ. Эг Сэлэнгийн бэлчрээс дээхнэ 2.5 км-т байрлаж байна. Одоо манай нийт эрчим хүчний суурилагдсан хүчин чадлын 30 хувьтай тэнцэнэ. Эхний 30-40 мегаватт цахилгааныг баригдсаныхаа дараа үйлдвэрлэж эхэлнэ” хэмээн онцолжээ. Дэлгэрэнгүйгээр нь уншаарай.
Төв аймгийн Алтанбулаг суманд хүн амины ноцтой хэрэг гарчээ. Хэргийн мөрөөр Алтанбулаг суманд манай сурвалжлах хэсэг ажилласан юм. Ямаа самнахаар хотоосАлтанбулаг суманд очсон залуу нутгийн иргэний аминд хүрсэн байна. Энэ хэргийн тухай мэдээллийг долдугаар нүүрт хэвлэлээ.
Аравдугаар нүүрт Улаанбаатар хотын цагдаагийн газрын Хууль тогтоомжийн хэрэгжилт, хяналт шалгалт, аюулгүй байдлын хэлтсийн дарга, хурандаа Ж.Баясгалантай хийсэн ярилцлагыг нийтэллээ. Тэрбээр “Энэ зун цагдаагийнхан урьдынхаасаа илүү ачаалалтай ажиллана” хэмээж байна.
Байт харвааны дэлхийн оюутны аварга шалгаруулах тэмцээн Улаанбаатар хотноо болж өчигдөр дүнгээ гаргалаа. Тэмцээний сүүлийн шалгаруулалт өчигдөр Чингисийн талбайд болов. Манай улсад анх удаа болж буй уг тэмцээнд Австрали, Бельги, Коста Рика, Чех, Франц, Герман, Их Британи, Энэтхэг, Итали, Япон, Малайз, Мексик, ОХУ, БНХАУ, Швед зэрэг 24 орны 250 гаруй тамирчин оролцсон юм. Энэ тэмцээний талаарх дэлгэрэнгүй мэдээллийг 14 дүгээр нүүрээс уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХА