“Өдрийн сонин”-ы бямба гаригийн дугаар хэвлэгдэн гарлаа. Өнөөдрийн дугаарт гарсан материалуудыг тоймлон хүргэе.
Өчигдөр Ардчиллын алтан хараацай С.Зориг агсны хөшөөнд цэцэг өргөж, хүндэтгэл үзүүллээ. Одоогоос 17 жилийн өмнөх аравдугаар сарын 2-ны өдөр түүнийг амь насыг бүрэлгэсэн хэрэг гарч, нийгмийг цочирдуулж байв. Түүнийг нэхэн дурсч, иргэд хэргийг ил болгохыг хүссэн тухай сурвалжилж, нэгдүгээр нүүртээ онцоллоо.
Мөн өчигдөр байгальд ээлтэй барилгын материалын үзэсгэлэн дэлгэгдэв. Үзэсгэлэнгээс хийсэн сурвалжлагыг нэг, долдугаар нүүрт хэвлэлээ. Эндээс та бүхэн байгаль орчинд ээлтэй технологи, барилгын материалуудын талаар уншаарай. Харин улс төрийн мэдээллийн хоёрдугаар нүүрт УИХ-ын чуулганаас хийсэн сурвалжлага гарлаа. Чуулганаар Өршөөлийн хууль дээр МАН-ын бүлэг завсарлага авсан юм. Мөн үдээс хойш Засгийн газар гишүүд чуулган дээр мэдээлэл хийж, УИХ-ын гишүүдийн асуултад хариулсан.
“Өдрийн сонин”-ы нийтлэлийн бодлогыг тодорхойлж байдаг гуравдугаар нүүрт “Татвар нэртэй хулгай” нийтлэл хэвлэгдэв. Нийслэлийн иргэдээс татвар авах хууль энэ сараас хэрэгжиж эхэлсэн. Тэгвэл энэ татвах яг үнэндээ “хулгай” юм биш үү гэдгийг дээрх нийтлэлд хөндөж бичлээ.
Түүнчлэн “Өдрийн зочин” буланд далантавтайдаа Гималайд авирсан уулчин эмэгтэйн тухай хөрөг нийтлэл, “Нэг ангийнхан” буланд “Өмнөговиороо овоглосон нэг төгсөлтийнхөн” орлоо.
“Амрах агшин” буланд Монголын найман Богдын хөргийг анх удаа олны хүртээл болгож, танилцууллаа.
Харин “Өд,бэх” буланд Монголын зохиолчдын эвлэлийн шагналт зохиолч Ц.Мухарын С.Зориг агсны талаар бичсэн “Шар Дамдинсүрэнгийн зээ хүү” эсээ-тууж хэвлэгдлээ. Эдгээр болон бусад цаг үеийн мэдээ мэдээлэл, Ардын уран зохиолч Ш.Дулмаагийн ярилцлага зэргийг өнөөдрийн дугаараас уншаарай.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас авч болохоос гадна бусад сонин борлуулах бүхий л цэгүүд, Хэвлэлийн биржээс худалдан авах боломжтой.
Мөн “Мөнгөнзавъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Минийдэлгүүр” дэх сонин борлуулах гол гол цэгүүдээс гадна “Өдрийн сонин”-ы өөрийн байранд ирж худалдан авч болно.
Уншигч та “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаарай. Энэ дөрөвдүгээр улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Харин цахим хэлбэрээр захиалах бол 88071920, 88925088 дугаарт холбогдож дэлгэрэнгүй мэдээллийг лавлана уу.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ