Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнд УДЭТ-ын хамт олон нэгджээ. Монгол Улсад орчин цагийн мэргэжлийн театр үүсэж хөгжсөний, УДЭТ байгуулагдсаны түүхт 90 жилийн ойгоо тохиолдуулан тус театрын хамт олон өчигдөр Баянгол дүүргийн Агропаркд гурван төрлийн мод тарьсан байна.
Мод тарих ёслолын үйл ажиллагааг Ерөнхийлөгчийн зөвлөх Д.Бум-Очир нээж, нээлтэнд зориулан УДЭТ-ын захирал, УГЗ Д.Цэрэнсамбуу үг хэлж, театрын мэндчилгээг жүжигчин О.Майдарравжаа морин хуурын эгшгээр түрлэг нэмлээ. Энэхүү үйл ажиллагаанд Төрийн соёрхол Н.Наранбаатар, УГЗ Н.Ганхуяг, МУГЖ Б.Жаргалсайхан, МУГЖ Ж.Оюундарь тэргүүтэй театрын 32 уран бүтээлч оролцож Ногоон дэлхийг хамтдаа бүтээж Байгаль орчноо хамгаалах үйлсэд Ард иргэдийгээ идэхитэй оролцохыг уриаллаа.