Төсвийн байнгын хорооны хуралдаан өнөөдөр 13.00 цагт хуралдах байсан ч хойшиллоо. Учир нь УИХ-ын гишүүдийн ирц бүрдээгүй юм. Уг нь энэ хуралдаанаар Орон нутгийн хөгжлийн сан болон сум хөгжүүлэх сангийн хөрөнгийн зарцуулалтын талаарх Үндэсний аудитын газрын тайлан, Засгийн газрын тусгай сангийн үйл ажиллагааны үр дүнгийн талаарх Үндэсний аудитын газрын тайланг тус бүр сонсохоор төлөвлөсөн байв.