Төрийн өмчийн бодлого зохицуулалтын газраас 2018 оны жилийн эцсийн байдлаар үйл ажиллагаа болон орлогын төлөвлөгөө, эдийн засгийн үзүүлэлт, зорилтот түвшин, хөрөнгө оруулалтын шалгууруудаар үнэлж, ШИЛДЭГ-5 аж ахуй нэгжээ шалгаруулжээ.
Жил бүр тус газраас төрийн өмчит компани, байгууллага, аж ахуй нэгжүүдээ зорилтот түвшин, эдийн засгийн үзүүлэлтээр нь дүгнэж, “Шилдэг”-үүдээ шалгаруулдаг уламжлалтай бөгөөд ТӨБЗГ-т харьяалагддаг нийт 79 аж ахуй нэгж, хуулийн этгээдээс 2018 онд үр ашигтай ажиллаж, хөрөнгө оруулалтын төлөвлөгөөг хангалттай биелүүлж, их бүтээн байгуулалт хийсэн дараах аж ахуй нэгжүүдийг ШИЛДЭГ-ээр шалгаруулжээ.
1. Эрдэнэт үйлдвэр ХК
2. Мэдээлэл холбооны сүлжээ ТӨХХК
3. Автотээврийн үндэсний төв ТӨҮГ
4. Сэлэнгэ АЗЗА
5. Багануур цахилгаан түгээх сүлжээ