онголын залуучуудын холбоо, Итгэлийн Алтантүлхүүр сан хамтран зүүн гурван аймагт гарсан гал түймрийн аюулд өртөөд буй залуу малчдад туслах зорилгоор зохион байгуулсан “Далайд дусал нэмэр” хандивын аян өндөрлөлөө.
Тус аян 4.23-26-ны өдрүүдэд Улаанбаатар хотын хүн ам ихээр төвлөрдөг газруудад зохион байгуулагдсан бөгөөд нийт 512 хүн аянд нэгдэж, 482.500 төгрөгийн бэлэн мөнгөний хандив болоод эд материалын хандив өгсөн байна. Мөн ТЭЦ-4 ДЦС-ын Залуучуудын холбоо тус аянд нэгдэж өөрсдийн цуглуулсан эд материалын хандивыг нэгтгэн зүүн гурван аймгийн залуу малчдад илгээхээр болжээ.