Өнгөрсөн амралтын өдөр Сонгинохайрхан дүүргийн тавдугаар хороо, Баянголын дөрөвдүгээр гудамжинд “Хархираа” хүнсний дэлгүүр шатжээ. Дуудлагын дагуу шөнийн 03:32 цагт Гал түймэр унтраах, аврах 18, 26, 29 дүгээр анги очиход хоёр давхар байшин шатаж байсан байна. Галыг шуурхай ажиллан унтраажээ.
Галын утаанд 14 настай, эрэгтэй хоёрдугаар давхрын баруун хойд талын жижиг өрөөнд угаартаж ухаангүй байдалтай байсныг Гал түймэр унтраах, аврах 26 дугаар ангийн салааны захирагч, ахмад М.Ганзориг, Аврагч, гал сөнөөгч, ахлагч Б.Содномцэрэн, ахлагч Д.Хасбазар нар аварсан байна.
Мөн гал түймэрт 35-40 орчим насны эрэгтэй, эмэгтэй, 6 настай эмэгтэй, 15 настай эмэгтэй, 13 настай эрэгтэй нар угаартсан байсныг эмнэлэгт хүргэжээ.