Удаан хугацаанд хүлээлгэсэн батлан хамгаалах салбарын 300 албан хаагчийн орон сууц ашиглалтад орлоо. Өнөөдөр тус салбарын албан хаагчдын төлөөлөл шинэ байрны түлхүүрээ гардан авсан байна. Түлхүүр гардуулах арга хэмжээнд Батлан хамгаалахын сайд Ц.Цолмон, УИХ-ын гишүүн Л.Болд, ЗХЖШ-ын дарга хошууч генерал Д.Даваа, бэлтгэл дэслэгч генерал Ц.Бямбажав болон БХЯ, ЗХЖШ-ын удирдлага оролцож, офицер ахлагч, албан хаагчдад байрных нь түлхүүрийн гардуулан өгчээ.
Цэргийн музейн дэргэд баригдсан орон сууцанд Зэвсэгт хүчний анги салбаруудаас 215 офицер, ахлагч, батлан хамгаалах салбараас 85 албан хаагч төвхнөж байна.
Тус орон сууцны ажил 2011 онд эхэлсэн. Таван жилийн хугацаанд хүлээгдсэн орон сууцыг цэргийн албан хаагчдаар хүч нэмэгдүүлэн барьж дуусгаад, өнөөдөр ашиглалтад өгч байна.
