Иргэд цагдаагийн байгууллагад өгсөн дуудлага, мэдээллээ цахим хэлбэрээр хянах боломжтой болсон талаар Улаанбаатар хотын цагдаагийн газраас мэдээлж байна. Тус цагдаагийн газраас цагдаагийн байгууллагын үйл ажиллагааг иргэдэд нээлттэй ил тод, шуурхай хүргэх, гэмт хэрэг, зөрчлийн талаарх дуудлага, мэдээллийг цахим хэлбэрээр хүлээн авах, шалгах боломжийг бий болгох зорилгоор цахим өргөдөл, гомдлын нэгдсэн программыг зургадугаар сарын 15-ны өдрөөс эхлэн нэвтрүүлээд байгаа юм.
Гэмт хэрэг, захиргааны зөрчлийн дуудлага, мэдээллээр очсон цагдаагийн алба хаагч иргэнд өөрийн албан тушаал, цол, овог нэр, гарын үсэг, бүртгэлийн дугаар бүхий хяналтын хуудсыг хүлээлгэн өгөх ажээ.
Мөн дуудлага өгсөн иргэний гар утсанд бүртгэлийн дугаар, хүлээн авсан хэлтэс, холбогдох дугаарыг мессежээр илгээх аж.
Иргэдийн гаргасан гомдол, мэдээллийг й аль байгууллагын ямар албан тушаалтан хүлээн авсан, хэрхэн шийдвэрлэсэн талаарх мэдээллийг www.service.police.gov.mn цахим хуудаснаас мэдэх боломжтой юм байна.