Архангай аймгийн Өгий нуурт өчигдөр буюу 07 дугаар сарын 07-ны өдөр “Триатло – 2022” улсын аварга шалгаруулах тэмцээн эхэлсэн билээ. Гэвч тус тэмцээнд оролцож байсан 42 настай тамирчин усанд осолдож амь насаа алдсан харамсалтай хэрэг гарчээ.
Улмаар уг тэмцээн цаашид үргэлжлэх боломжгүй болж цуцлагдсан байна. Дээрх тамирчны нас барсан хэргийг цагдаагийн байгууллагаас шалгаж байгаа аж. Талийгаач нь багийн холимог буухианд оролцож байсан бөгөөд барианд орохын өмнө осолдсон талаар тэмцээнд оролцогчдоос хэллээ.