“Токио 2020” олимпийн их наадмын нээлт өнөөдөр болж, таван тивээс цугларсан баг тамирчдын ур чадварын өрсөлдөөн эхлэх гэж байна.
Олимпийн нээлт Улаанбаатарын цагаар 19:00 цагт болно. Баг тамирчдын ёслолын жагсаал 20:30 цагт Грек улсын багаар эхэлж, Япон цагаан толгойн үсгийн дарааллаар улс орнууд цэнгэлдэхэд орж ирэх аж. Монгол улсын баг тамирчид 190 дүгээрт цэнгэлдэх хүрээлэнд алхан орно хэмээн Биеийн тамир спортын улсын хорооноос мэдээлэв.
Тус олимпийн наадамд спортын 10 төрөлд манай улсын 43 тамирчин ур чадвараа сорино.
Монголын баг тамирчдын тэмцээний хуваарийг хүргэж байна.
