32 дахь удаагийн “Токио-2020” зуны олимпийн наадам найм дахь өдрөө үргэлжилж байна.
Жүдо бөхийн холимог багийн барилдаанд Монголын шигшээ баг шөвгийн наймд ОХУ-ын олимпийн хорооны багтай таарч, 4:2 харьцаатай Монголын баг ялагдлаа. Ингэснээр дараагийн шатанд Германы багтай барилдахаар боллоо.
Тодруулбал
- Эмэгтэй -57 килограммын жинд Хөдөлмөрийн баатар Д.Сумъяа Дариа Мезецкаиад ялагдлаа.
- Эрэгтэй -73 килограммын жинд Ц.Цогтбаатар Муса Могушковыг яллаа
- Эмэгтэй -70 килограммын жинд Б.Ганхайч Мадина Таймазовад ялагдлаа
- Эрэгтэй +90 килограммын жинд Саид Моллай Михайл Иголниковыг яллаа
- Эмэгтэй +70 килограммын жинд О.Мөнхцэцэг Александра Бабинцевад ялагдлаа
- Эрэгтэй -90 килограммын жинд Ө.Дүүрэнбаяр Тамерлан Башаевт ялагдлаа.