ТАНИЛЦ: ​Үйл ажиллагаагаа явуулж буй рашаан сувиллууд

Рашаан сувиллын нэрс

Онцлог

Эмчилгээ

Байршил

Холбогдох утасны дугаар

Ар жанчивлан рашаан сувилал

Ар жанчивлан рашаан сувилал нь дотор ходоод, элэг, цөс, бөөр, үе мөч, тулгуур эрхтэн, булчин шөрмөсний өрөвсөл, мэдрэлийн системийн сульданги, төв болон захын мэдрэлийн судлын үрэвсэл зэрэг өвчнүүдийг үр дүнгтэй эмчилж сувилж байна. Олон жилийн ажиглалт судалгаанаас үзэхэд эмчилгээний үр дүн 94-96%-ийн сайжиралттай байдаг.

Сувилалд ашигладаг рашаан нь ходоод, элэг, цөс болон цусны даралт ихсэх ба багасах, үе мөч, ууц нурууны архаг өвчин, мэдрэлийн системийн төрөл бүрийн өвчтэй хүмүүсийг эмчлэх бололцоотой нүүрс хүчлийн хийтэй, хүчилтөрөгчийн давхар исэлтэй хүйтэн рашаан юм.

Төв аймгийн Эрдэнэ сумын 1-р багийн нутагт, Нийслэл Улаанбаатар хотоос 60 км, Төв аймгаас 57 км, Налайх дүүргээс 26 км-т байрладаг. Хан Хэнтий нурууны баруун урд үзүүрт , Туул голын урд, Баянцогт уулын ард далайн түвшнээс дээш дунджаар 1000-1500 метрт оршдог.

99176806, 89267061

Хужирт рашаан сувилал

Эмчилгээ үйлчилгээний байгуулгуудаас анх удаа тохирлын тэмдэг хэрэглэх эрх 2 удаа авсан байгууллага

Магадлан итгэмжлэгдсэн сувилал тул халамжаас хөнгөлөлт эдлэх боломжтой

Монгол улсын төв хэсэгт байрладаг тул Улаанбаатар хот болон аймгуудтай ойр байрладаг, засмал замаар холбогдсон

Эмчилгээний шавар, рашаан, физик, хөдөлгөөн засал зэрэг 20 гаруй эмчилгээг таныг биеийн байдалд тохируулан эмчилдэг.

“Хужиртын хөх сувд” Рашаан эмчилгээ : Дулааны болон эрдэс бодисын солилцоог сайжруулж, биеийг шимжүүлэн тунгалагийн эргэлт,хий цусны гүйдлийг сайжруулах, булчин шөрмөсийг сулруулах, шар усны гэмийг арилгана “Хужиртын хар сувд” Шавар эмчилгээ: Арьсан дахь мэдрэлийн судлын төгсгөлд цочрол үүсгэж улмаар төв мэдрэлийн систем, тархины бор гадаргад нөлөөлснөөрөө хариу урвал бүх эрхтэн системд дамжин бие махбодийн үйл ажиллагаа идэвхжиж нөхөн сэргээх явцыг эрчимжүүлнэ. Үүний үр дүнд хүний биеийн бодисын солилцоо эрчимжиж цусан хангамж сайжирснаар эмгэг хууч эдгэрэх явцыг түргэсгэнэ.

Нийслэл Улаанбаатар хотоос 390 км, Өвөрхангайн төв Арвайхээрээс 88км, Хархориноос 54км зайдӨвөрхангай аймгийн Хужирт сумын нутаг, Орхон голын сав газар, Хангайн нурууны салбар Шунхлай, Гуа, Шивээт уулсын дунд далайн түвшнээс 1660 метрийн өндөрт оршдог.

7711-5858
9191-3860
9919-4229
8083-8089

Шаргалжуут рашаан сувилал

Шаргалжуутын рашаан арьсан дахь мэдрэлийн судсыг цочроож мэдрэлийн цусны хөдөлгөөн, бодисын солилцоо, дотоод шүүрлийн ажиллагаанд өөрчлөлт үзүүлэх тул үе мөчний архаг үрэвсэл, эмэгтэйчүүдийн болон арьсны зарим өвчин, амьсгалын замын өвчнийг эмчлэхэд тохиромжтой

Халуун рашаан, шавар эмчилгээ замаг эмчилгээ

Баянхонгор аймгийн Эрдэнэцогт сумын нутагт далайн төвшнөөс дээш 1500 метрт Улаанбаатар хотоос 650 орчим километр зайтай оршдог.

77437777

Өөш манхан-элсэн сувилал

Өөш манханы элс нь бие дээгүүр гарсан элдэв тууралт зэргийг эдгээдэг увидастай.

Эмчилгээг хийхдээ байгалийн хүчин зүйл болох нар, агаар, элсийг ашиглан наран шарлага, элсэн хучлага хийх болон ингэний сүү, хоормогоор эмчлэн сувилдаг. Мөн нарны халуун энерги бүхий элс, ингэний хоормогоор дотор таван цулын хаван болон гадна хаванг хөөж эмчилдэг.

Дундговь аймгийн Өлзийт сумын нутагт УБ хотоос 420 км зайтай оршдог.

99118166 , 99038736 , 99274746 95999969

Хайрын бэлэг-2

Уул усны цэнгэг агаар хүний биеийн хүчил төрөгчийн хэрэгцээг хангаад зогсохгүй агаарын бохирдлоос үүсэх хордлогыг тайлах үйлчилгээ үзүүлдэг

Аарцаг нурууны бүтэн бариа

Чилээ гаргах

Бүтэн биений тосон бариа

Толгой, хүзүү, нурууны бариа

Бумба, Гулгуур бумба

Хор тайлах аппарат

Нүүрсэн, Цахилгаан халуун жин

Дижитал татлагын аппарат

УВЧ-шарлага

Улаан гэрэл

Нүдний алжаал тайлах аппарат

Зөгийн балтай татлага

Эмчилгээний биеийн тамир

Цонжинболдог дахь Чингис хааны морьтой хөшөөнөөс хойш 4.5 км-т Хатан туул голын хөвөөнд

95113030, 89353030, 70130099

Аварга тосон сувилал

Аваргын рашаан нь гидрокарбонат-натри-магни-кальцийн найрлагатай, 2 ба 3 цэнэгт төмөртэй, нүүрсхүчлийн хийтэй хүйтэн рашаан юм.

Арьсны эмгэгүүд

Харшил, хордлогын нөлөөтэй эмгэгүүд

Сахарын диабет

Дотоод шүүрэл, бодисын солилцооны эмгэг

Мэдрэлийн тогтолцооны эмгэгүүд

Үе мөчний хэрх өвчин

Хамар хоолойн эмгэг

Гэмтэл бэртлийн дараах үе

Хэнтий аймгийн Дэлгэрхаан сумын нутаг далайн төвшнөөс дээш 1250 метрт Улаанбаатар хотоос 250 километр зайтай орших ба Хэнтий аймгийн Жаргалтхаан сумыг өнгөртөл 230 км засмал замаар, Жаргалтхаан сумаас Аваргатосон рашаан сувилал хүртэл 40 км сайжруулсан шороон замаар явж очно.

77437777, 9582-9918, 9636-3032

Оргил рашаан сувилал

Уух рашаан нь ходоодны архаг, 12 нугалаа гэдэсний хүндрэлгүй шархлаа, гэдэсний архаг үрэвсэл, элэг цөсний архаг өвчин, төмөр дутсан цус багадалтыг эмчлэхэд сайн үйлчилгээтэй.

Гидрокарбонат-кальци-натрийн найрлагатай, сул эрдэсжилттэй, сул хүчиллэг, нүүрсхүчлийн хий, төмөртэй хүйтэн рашаан юм.Шавар эмчилгээг хорт хавдар, хурц үрэвсэлт өвчнүүд, архаг өвчний сэдрэлийн үе, сүрьеэ, декомпенсацийн шатанд байгаа зүрхний гажиг, зүрхний цус хомсрох өвчин, даралт ихдэх өвчин, бронхийн багтраа, гломерулонефрит, элэгний хатуурал өвчний үед хэрэглэхэд тохиромжгүй.

Богдхан уулын ар хормойд, Улаанбаатар хотын өмнөд хэсэг Хан-Уул дүүрэгт Удирдлагын Боловсролын Академийн хажууд байрладаг.

341152, 342093, 342096, 342092

Цагаан голын рашаан амралт

Цагаан голын рашаан нь хоолой, элэг, цөс, ходоод, үе мөч, зүрх судасны өвчинг анагаах зорилгоор эрт үеэс ууж, орж хэрэглэж ирсэн.

Рашаанд орохдоо эхлээд бага багаар ууж дасгах, аажмаар рашааныхаа уух ба орох хэмжээ, хугацааг ихэсгэж, дараа нь буцааж багасгах байдлаар хэрэглэдэг.

Булган аймгийн Баян-Агт сумын нутагт Цагаан голын рашааны дэргэд (Эмгэн булгийн рашаан) байгалийн үзэсгэлэнт газар оршдог

99356789

Отгонтэнгэрийн рашаан сувилал

Тулгуур хөдөлгөөний эрхтэний өвчин, зүрх судас, цусны эргэлтний дутмагшил, 1 үеэс хэтрээгүй үед, зах мэдрэлийн системийн өвчин, судасны өвчин, арьсны өвчин, (хайрст үлдийн эдгэрэлт, хязгаарлагдмал нейродермит, намарс, арьсны загатнаат өвчнүүд, харшлын гаралтай арьсны үрэвсэлт өвчний хурц биш үе), гуурсан хоолойн архаг үрэвсэл, дунд чихний архаг үрэвсэлд хэрэглэнэ

Рашаан уух, рашаанд орох, шавар тавих

Завхан аймгийн Алдархаан сумын нутагт, Улиастай сумаас зүүн тийш 78 километр, Улаанбаатар 1210км алсад, Отгонтэнгэр уулнаас зүүн хойш, бага Отгонтэнгэр уулын ар хормойд, ойн бүсийн дээд хязгаарт, Рашаан голын хөндийд мөнх цаст мөсөн голт сүрлэг уулсын хооронд далайн төвшнөөс дээш 2500 метрт байдаг.

99059022, 99468182, 99051478, 93036701

Өвөр Жанчивлангийн рашаан сувилал

Жанчивлангийн рашаан нь ходоод гэдэсний архаг үрэвслүүд, элэг, цөс, нойр булчирхайн зарим өвчнүүдийг анагаах чадалтай эрдэс бодисоор баялаг болох нь шинжилгээ судалгаа болон олон жилийн практик үйл ажиллагаагаар батлагдсан.

Тус рашаан сувилал нь ходоод гэдэсний архаг үрэвсэл, элэг, цөс, нойр булчирхайн архаг үрэвсэл, цөсний хагалгаа хийлгэсний дараах үе зэрэгт жанчивлангийн рашаан уулгах, цөс, ходоод, гэдэс угаахаас гадна шавар эмчилгээ, усан эмчилгээ, гэрлэн болон цахилгаан эмчилгээ, иллэг, бариа засал, биеийн тамир эмчилгээ, бумба, зүү төөнүүр, хүчилтөрөгчийн коктейл уулгах, зуны улиралд гүүний саам , цагаан ямааны сүү уулгах зэрэг эмчилгээнүүдийг хийж мөн эмчилгээний хоолоор үйлчилдэг.

Төв аймгийн Эрдэнэ сумын нутагт далайн түвшнээс дээш 1300 метрийн өндөрт ой хээрийн бүсэд оршдог. Улаанбаатар хотоос шууд замаар 75 километр засмал замаар 105 километр Төв аймгаас 70 километр зайд оршдог.

80850888, 322075