Орц:
Гахайн гол мах – 200 гр
Ногоон алим – 50 гр
Сонгино – 50 гр
Сармис – 1 ш
Коньяк – 20 гр
Алим жүүс – 50 гр
Ургамлын тос – 30 гр
Томат паста – 10 гр
Чинжүү – 95 гр
Брокли – 25 гр
Хаш – 17 гр
Хулуу – 17 гр
Давс – 3 гр
Перец – 2 гр
Төмс – 85 гр
Сүү – 20 гр
Масло – 5 гр
Хийх арга:
Гахайн гол махыг давтаж бэлэн болгоод гурав хувааж амталсан гуриланд өнхрүүлнэ. Дараа нь тостой хайруулын тавганд хагас болтол нь шарна. Ногоон алимаа сармис хэлбэртэй нимгэн хэрчинэ. Сонгино, сармисаа жижиг хэрчиж бэлдэнэ. Чинжүү, хулуу, хашийг жижиг дөрвөлжин хэрчинэ. Төмсөө чанаж, бэлтгээд, нухаж бэлдэх хэрэгтэй. Масло, сонгино, ногоон алим болон сармисаа нэмж бага зэрэг паста хийж хуурна. Брэнди эсвэл коньяк хийж дөл гаргаад алимны жүүс хийж хоёр удаа бага зэрэг ширгээгээд хүрэн соус бага зэрэг нэмээд хоол бэлэн. Амталсан төмс болон ногоо, ногоон сонгиноор хачирлаарай.
Цагаан бөмбөлөг салад
Орц:
Өндөг – 3 ширхэг
Дарсан өргөст хэмх- 20г
Ногоон өргөст хэмх – 20гр
Майонез – 20гр
Шанцай – 15гр
Гич – 5гр
Давс – 2гр
Перец /нунтаг/ – 2гр
Гүнждийн үр – 3гр
Лууван – 20гр
Хийх арга:
Өндгөө чанаж хөргөөд хальслана. Шанцай, дарсан ногоон өргөст хэмхийг нарийн хэрчиж, өндгөө сармисны хумс хэлбэртэй хэрчиж бэлтгэнэ. Хэрчиж бэлдсэн бүтээгдэхүүнээ давс, перец, гич, майонезаар амталж бэлэн болгох хэрэгтэй. Салат навчаа жижиглэн тасдаж бэлдээрэй. Таваглахдаа гүнждийн үр цацвал илүү амттай болно.
Наполеон торт хийх жор
Орц: (6 ХҮН)
-250г масло
-2 стакан гурил
-Нэг ширхэг өндөг
-2х/х нимбэгний шүүс
-1/2 стакан хүйтэн ус
Крем:
400г молоко
200г масло
200г самар
Хийх арга:
1. Хагас стакан усан дээр нимбэгний шүүс нэмээд өндөгтэй хамт хутгана.
2. 250 г масло дээр шигшсэн гурил нэмээд хутгаар маслоо жижиг хэсэг болтол зүснэ. Үүн дээрээ өндөгтэй усаа нэмээд зуурна.
3. Бэлэн болсон зуурмагаа есөн хэсэгт тэнцүү хуваагаад бөөрөнхийлнө. Бөөрөнхийлсөн гурилаа уутаар бүтээгээд нэг цаг хөргөгчинд амраана.
4. Одоо кремээ хийнэ. Самраа уутанд хийгээд элдэнэ.
5. Зөөлөн болтлоо гэссэн маслыг хөвсгөр болтол нь миксердээд молокогоо нэмнэ.
6. Бөөрөнхийлсөн есөн ширхэг гурилаа тус тусад нь элдээд сэрээгээр хатгана. Тус тусад нь 180С-т 10-15 минут шаргал өнгөтэй болтол нь шарна.
7. Хөрөхөөс нь өмнө дугуй хэвэнд зүсээд авна. Зүсэхэд гарсан үйрмэгээ дахин үйрүүлээд тортны чимэглэлд хэрэглэнэ.
8. Тортоо өрөхдөө есөн ширхэг гурил дунд нь кремээ зузаан түрхэнэ. Дунд нь самар хийж болно. Эцэст нь үйрмэгээрээ чимэглээрэй.
Бэлтгэсэн С.АРИУН