Орц (Гурван хүний)
Үхрийн татсан мах-500 гр
Өндөг-Гурван ширхэг
Талхны хатсан-үйрмэг-180 гр
Сармис-Гурван ширхэг
Сонгино-Гурван ширхэг
Хар перец -1/2-1 цайны халбага
Давс-1/2-1 цайны халбага
Ургамлын тос-Хоёр цайны халбага
Сыр-350 гр
Яншуй-10 гр
Хийх арга
Татсан үхрийн махан дээр өндөг, талхны хатсан үйрмэг, жижиглэн татсан сармис, сонгино, яншуй, давс, хар перец хийнэ. Орегано, халуун чинжүү болон хүссэн амтлагчаа хийж амталж болно. Мөн тахианы мах ашиглаж болно. Ингээд амталсан махыг миксердэнэ.Тэгвэл илүү нягт сайн зууралддаг. Эсвэл гараар сайтар зуурч нухаж ч болно. Дараа нь шарах шүүгээний тавцанг сайтар тослоод
амталсан махыг жигд хэмжээтэй таслан хавтгайлан өрнө. Ингээд сонгиныг урт нарийн хэрчиж, өндгийг 15 минут чанаж хальслаад хөргөсний дараа жижиглэн хэрчинэ. Хэрчсэн сонгиныг татсан махны дээр тараан тавиарай. Сонгинын дээр жижиглэн хэрчсэн чанасан өндгийг тавина. Бага зэрэг давс, перец цацаж амтлаарай. Хамгийн дээр нь үрж жижиглэсэн бяслагийг тавина. Энгийн дөрвөлжин савлагаатай сырыг ашиглаж болно. Шарах шүүгээг 180-200 хэмд халааж 25-30 минут болгоно. Үе үе гаргаж үзэх ба бяслагийг нэмж амтлах эсэх нь таны сонголт.
ӨНДӨГНИЙ ОРООМГОН ХАЧИР
Орц (Хоёр хүний)
Өндөг-Гурван ширхэг
Лууван-15 гр
Сонгино-10 гр
Ногоон сонгино-10 гр
Давс-1/3 цайны халбага
Хар перец 1/4 цайны халбага
Сүү- Нэг хоолны халбага
Хийх арга
Өндөгний ороомгонд орох хүнсний бүтээгдэхүүнүүдийг бэлтгэнэ. Лууван болон бөөрөнхий сонгино, ногоон сонгиныг жижиглэн хэрчинэ. Саванд өндгийг хагалж хийгээд дээрээс нь сүү, давс, перец хийж сайтар миксердэнэ. Ингээд хэрчсэн ногоонуудыг дээрээс нь хийж халбагаар сайтар хутгана. Аажмаар, зөөлөн халаасан хайруулын тавгийг тосолж бэлтгэсэн өндгөө хайрна эсвэл тосгүй хайрч ч болно.
Өндгөө хайрч байхдаа хутгаж хөдөлгөж болохгүй. Биежиж болоод эхэлмэгц нь нэг захаас нь эхлэн орооно. Энэ мэтчилэн бэлтгэсэн бүх зуурмагаа шараарай. Идэх хэмжээгээрээ нарийн хэрчиж таваглаад л ямар ч хоолны хөнгөн, амттай хачир болох болно.
Бэлтгэсэн А.ЗУЛ