СХД-ийн 32 дугаар хороо, Тахилтын нүхэн гарцад борооны ус зайлуулах шугам угсралтын ажил энэ сарын 13-нд эхэлсэн. Өнөөдрийн байдлаар тус ажил 60 хувьтай үргэлжилж байна.
Тус нүхэн гарцад ус зайлуулах шугам байхгүйгээс үүдэн өмнөх жилүүдэд борооны ус ихээр тогтож, иргэд зорчиход хүндрэлтэй нөхцөл үүсдэг байсан. Тиймээс тухайн байршилд авто замын ус зайлуулах 350 метр урт шугам хоолой угсарч, нүхэн гарцын баруун талд байрлах жалга руу ус зайлуулах насосыг байршуулан, авто зам хэсэгт ус зайлуулах 11 ширхэг шүүрт худаг болон үзлэгийн худгийг угсарсан байна.
