2015 оны Ази тивийн чөлөөт бөхийн өсвөр үеийн аварга шалгаруулах тэмцээн гурван төрлөөр энэ зургаадугаар сарын 11-ний өдөр Энэтхэг улсын Нью-Дели хотын Индира Гандийн нэрэмжит Спорт цогцолборын “К.Д.Жадхавын нэрэмжит бөхийн ордон”-д эхэллээ.
Хөвгүүдийн ХҮ дахь удаагийн, охидын ХII дахь удаагийн тэмцээнд Арабын
Эмират Улс, БНАСАУ, БНСУ, БНХАУ, Иран, Казахстан, Киргиз, Монгол, Тажик,
Тайланд, Узбек, Шри-Ланк, Энэтхэг, Япон зэрэг 19 орны 112 хөвгүүн, 66
охид уран мэхээ уралдуулан өрсөлдөж байна.
Тэмцээнд Азийн бөхийн холбооны ерөнхийлөгч Чанг Ким Кью оролцож байна.
ДБНХ-ноос техникийн төлөөлөгчөөр олон улсын шүүгч Ким Ик Жонг
томилогдон ажиллаж байна.
Тэмцээний эхний өдөр хөвгүүдийн 85, 100, охидын 38, 40 кг-ын
жингүүдийн барилдаан болж манай 3 бөх зодоглосноос хөвгүүдийн 85 кг-ын
жинд барилдсан Т.Мөнгөншагай хүрэл медаль авчээ.
Өнөөдөр хөвгүүдийн 69, 76, охидын 43, 46, 49 кг-ын жингүүдийн барилдаан болно.
Хөвгүүд:
85 кг:
1. Арун Кумар (Энэтхэг)
2. Севедаболфазл Хасемижобар (Иран)
3. Төмөрбаатарын Мөнгөншагай (БГД, өсвөрийн улсын аварга)
3. Куаньш Карабек (Казахстан)
100 кг:
1. И.Хассанзадех (Иран)
2. Насир Хуссейн (Энэтхэг)
Охид:
38 кг:
1. Мью Шимзу (Япон)
2. Лаура Алмагалбетова (Казахстан, Азийн өсвөрийн АШТ-ий мөнгөн медальт)
3. Анкуш (Энэтхэг)
40 кг:
1. Мун Су Жонг (БНСУ)
2. Анну Деви (Энэтхэг)