Ерөнхий боловсролын сургуулийн амралт энэ долоо хоногт дуусч, ирэх даваа гаригт буюу энэ сарын 25-нд бага, дунд, ахлах ангийнхны хичээл эхлэх ёстой юм. Бага ангийн сурагчид таван долоо хоног, дунд ангийнхан гурван долоо хоног, ахлах ангийнхан нь хоёр долоо хоног тус тус амраад ийн гуравдугаар улирлын хичээл эхлэх гэж байна.
Сүүлийн үед ханиад томуугийн дэгдэлт эрс нэмэгдэж, хүйтний эрч чангарсантай холбогдуулан сурагчдын амралтын хугацааг сунгахаар болсон гэх мэдээлэл гарсан. Үүнийг албаны эх сурвалжаас тодруулахад “Сурагчдын улирлын амралтыг сунгахгүй. Хичээл ирэх долоо хоногт эхэлнэ” гэлээ. Өөрөөр хэлбэл хуваарийн дагуу ирэх даваа гаригт бүх ангийнхны хичээл эхлэх юм байна.