Монголын сүмо бөхийн холбооны тавдугаар бага хурал өнөөдөр болж байна.
Дөрвөн жилдээ нэг удаа болдог энэ хурлаар Сүмо бөхийн холбооны дүрмийн шинэчлэл, бүтэц зохион байгуулалт, удирдах зөвлөл, дэд ерөнхийлөгч сонгох, ДАШТ-2016 тэмцээн зохион байгуулах зэрэг асуудлыг хэлэлцэж байгаа юм.
Энэ удаагийн хурал нь хэд хэдэн онцлогтой болж байгаа аж. Тухайлбал, холбооны дүрмийг сүүлийн 20 гаруй жил шинэчлээгүй юм. Тиймээс энэ удаад дүрэмд шинэчлэлт, өөрчлөлт оруулахаар болжээ. Мөн сүмо бөхийн ДАШТ-ийг ирэх онд Монгол Улсад зохион байгуулах асуудлыг хэлэлцсэн онцлог хурал болж байгааг Монголын сүмо бөхийн холбооны ерөнхийлөгч Д.Батбаяр онцолсон.