Монголын үндэсний бөхийн холбоо 2023 оны нэгдүгээр сард болох үндэсний бөхийн барилдааны хуваарийг гаргасан. Энэ дагуу Харин энэ сарын 8-нд буюу маргааш Сумын цолтой болон залуу бөхчүүдийн барилдаан 12:00 цагт эхэлнэ.
Түүнчлэн энэ сард Монгол бөхийн өргөөнд болох үндэсний бөхийн бусад барилдааны хуваарийг хүргэе.
Нэгдүгээр сарын 13-нд 14:00 цагаас Үндсэн хуулийн өдөрт зориулсан Улс, аймгийн алдар цолтой 128 бөхийн барилдаан,
Нэгдүгээр сарын 21-нд “Хайрхан” нийслэлийн нэгдсэн захын нэрэмжит “Монгол Улсын начин цолны хүндэтгэл” Улс, аймгийн алдар цолтой 256 бөхийн барилдаан,
Нэгдүгээр сарын 22-нд 12:00 цагаас “Талх чихэр” компанийн нэрэмжит “Хэвийн боовны баяр”-т зориулсан аймаг, цэргийн цолтой залуу 256 бөхийн барилдаан,
Нэгдүгээр сарын 28-нд 12:00 цагаас Сумын цолтон болон залуу бөхчүүдийн ээлжит барилдаан,
Нэгдүгээр сарын 29-нд 12:00 цагаас “Малчин” телевиз байгуулагдсаны 10 жилийн ойд зориулсан Улс, аймгийн алдар цолтой 256 бөхийн барилдаан болно.