Москва хотын удирдлагууд шинэ жилийн баяраар хамгийн их хөл хөдөлгөөнтэй байдаг Улаан талбайг хаах шийдвэр гаргажээ. Тэд энэ шийдвэрээ аюулгүй байдлыг хангахын тулд ингэж байна хэмээн тайлбарлав. Оросын жуулчдын анхаарлыг хамгийн их татдаг газруудын нэг болох Улаан талбай анх удаа хаагдаж буй нь энэ аж.
Өнгөрсөн арваннэгдүгээр сард Францын нийслэл Парис хотын долоон хэсэгт алан хядагчид халдлага үйлдэж, олон арван хүний бүрэлгэсэн аймшигт хэрэг гарсан. Үүний дараа хотын удирдлагууд өндөржүүлсэн бэлэн байдал зарласан юм. Учир нь хэт даврагч “Лалын улс” бүлэглэл алан хядагчдын дараагийн бай нь Москва хот байх болно хэмээн заналхийлсэн байдаг.
Мөн аравдугаар сард Оросын зорчигч тээврийн 224 зорчигчтой онгоц тэсрэх бөмбөгийн улмаас сүйрсэн. Энэ мэт шалтгааны улмаас олон хүн цугларсан газар террорист халдлага гарч болзошгүй тул аюулгүй байдлаа хангах үүднээс шинэ жилээр Улаан талбайг хаахаар болсон байна.