Оргилуун дарсны нэгэн төрөл болох Шампанск (фр. Vin de Champagne) Францын Шампань мужид үүсчээ. Олон улсын гэрээ ёсоор зөвхөн Шампань мужид үйлдвэрлэгдсэн оргилуун дарснууд л шампанск гэж нэрлэгдэх эрхтэй байдаг аж. Хэрвээ бусад орны дарс үйлдвэрлэгчид оргилуун дарсны шошгон дээр шампанск гэсэн хаяг наачихвал Дарс үйлдвэрлэгчдийн дэлхийн холбооны журмыг зөрчсөн гэж үзэж торгууль тогтоодог гэнэ. Нэг ёсондоо шампанск гэдэг үг нь зөвхөн францын дарс үйлдвэрлэгчдэд зориулан дархлагдсан үг аж. Дэлхийн бусад улс орнуудад үйлдвэрлэсэн дарсыг sparkling wine буюу оргилуун дарс гэдэг.