Энэ сарын 13-ны өдөр Булган аймгийн Хангал сумын Хялганат тосгоны дөрөвдүгээр багийн “Пором” гэдэг газар Сэлэнгэ мөрний усанд Улаанбаатар хотын Баянзүрх дүүргийн харъяат иргэн М /25 настай, эрэгтэй/, Хангал сумын харъяат иргэн Ч /17 настай, эрэгтэй/ нар живсэн тухай дуудлага иржээ. Түүний дагуу тус аймгийн Онцгой байдлын газрын 18 алба хаагч, орон нутгийн 15 иргэн, нийт 33 хүн, дөрвөн техник хэрэгсэлтэйгээр эрэн хайх ажлыг зохион байгуулж байна.
Мөн өдрийн 17:00 цагт Сэлэнгэ аймгийн Алтанбулаг сум, Цөх багийн “Гүн нуур” гэдэг газар нуурын усанд Орхон аймгийн харъяат иргэн М /23 настай, эмэгтэй/, Х /21 настай, эмэгтэй/ нар живсэн тухай дуудлага ирсэн байна. Түүний дагуу тус аймгийн Онцгой байдлын газрын зургаан алба хаагч, орон нутгийн долоон иргэн, нийт 13 хүн, хоёр техник хэрэгсэлтэйгээр ажиллаж, 20:05 цагт цогцсыг олж, цагдаагийн байгууллагад шилжүүлэн өгчээ.