Монгол Улсын Ерөнхий сайдад өргөн мэдүүлсний дагуу Сэлэнгэ аймгийн Засаг даргаар Ш.Оргилыг томилжээ. Оргил нь 1979 онд Сэлэнгэ аймгийн Шаамар суманд төрсөн бөгөөд ШУТИС-ийн Эрчим хүч, инженерийн сургууль, Их засаг их сургуулийг тус тус дүүргэжээ.
2005-2008 онд Сэлэнгэ аймгийн Гаалийн газарт байцаагч, 2008 оноос өнөөдрийг хүртэл Сэлэнгэ Энерго ОНӨААТҮГ-ын захирлаар ажиллажээ. Тэрбээр “Надад өндөр итгэл найдвар хүлээлгэн аймгийн Засаг даргаар сонгосон нь их хариуцлага хүлээлгэж байгааг ухамсарлан өөрийн мэдлэг, чадвар, амьдралаас олсон туршлага бүхнээ Сэлэнгэ аймгаа хөгжүүлэх, ард иргэдийнхээ аж амьдралыг дээшлүүлэхэд бүхий л боломж бололцоогоо дайчлан ажиллах болно” гэлээ. Мөн тэрээр энэхүү амлалтаа та бүхнийхээ дэмжлэг, туслалцаанд тулгуурлан хэрэгжүүлнэ гэжээ.