Сэлэнгэ аймгийн Хүдэр суманд газар хөдлөлт болсон талаар ОБЕГ-аас мэдээллээ.
Тодруулбал, тус сумын Тарвагатай багийн “Соронзон-Уул” гэдэг газар /сумын төвөөс зүүн өмнө зүгт 32 км-т/ Ө-49041/, У-107013/ өчигдөр 17:35 цагт 4.0 магнитутын хүчтэй газар хөдөлжээ. Энэ талаар тус аймгийн Онцгой байдлын газраар дамжуулан Хүдэр сумын Засаг дарга Д.Пүрэвдорж, Ерөө сумын Засаг дарга М.Ганбаатар нараас тодруулахад “иргэдэд чичирхийлэл мэдрэгдсэн, хохирол учраагүй” гэлээ.