УИХ-ынДэд дарга С.Одонтуяа түлшнээс болж угаартаж нас барсан, хордсон иргэдийн асуудал мөн улсынхаа нэр хүндийг гутааж эмэгтэй хүнд хүндэтгэлгүй хандсан хэргийн тухай мэдээлэл өглөө.
Тэрээр “Тавдугаар сарын 31-ны шөнө 25 хүн угаартаж, найман хүн нас барсан мэдээлэл хэвлэл мэдээллээр явсан. Энэ мэдээллийг бид “Өдрийн сонин”-д ярилцлага өгсөн НЭМҮТ-ийн н.Номинтуул мэргэжилтний ярилцлагаас авсан. Хачирхалтай нь ийм хэрэг гарчхаад байхад иргэд албан ёсны байгууллагаас мэдээлэл авах боломж алга. УИХ-ын дэд даргын хувьд мэдээлэл авах гээд чадахгүй байна. Нас барсан найман хүнээс 3 нь хүүхэд байна.Он гарсаар 1739 хүн угаартаж, 37 хүн нас барсан гэх мэдээлэл байна. МАН-ын намаас нэг ч хүн үг дугарахгүй байна.
Хоёрдугаарт Сэлэнгэ аймгийн Мандал сумын засаг даргын орлогч н.Мөнхбат гэх этгээдийн үйлдсэн бузар хэрэг бол олон улсад Монголын нэр хүндийг гутаасан. Энэ хүмүүс Монголын соёлыг сурталчлахаар Жэжүд очсон ч хүчингийн хэрэг хийдгээ сурталчлах гэж очсон юм уу. Иймд Ардчилсан эмэгтэйчүүдийн холбоо, хувийн зүгээс тэмцэх болно” гэв.