Өчигдөр Эх хүүхдийн эрүүл мэндийн үндэсний төвийн хажууд, МҮОНРТ-ийн дэргэдүүр өгсөх замын уулзварт томоохон осол гарчээ. Тодруулбал, зуурмагийн, суудлын, “Портер” маркийн автомашинууд осол гаргаж, зуурмагийн машин нэг талаараа унаж, “Портер” машин ЭХЭМҮТ-ийн хашааг цөмлөн орсон байна.
Ослын газарт ОБЕГ-ын аврах 10 дугаар ангийнхан шуурхай ажиллаж, зуурмагийн машиныг кранаар татаж гаргажээ. Осолд орсон иргэдийг эмнэлэгт хүргэсэн байна. Мэргэжлийн байгууллагынхан ослын шалтгааныг тодруулахаар ажиллаж байгаа аж.