DNN – Page 299 – DNN, Өдрийн сонин

13 аймгийн 68 томоохон гол мөрөн дээр 421 алба хаагч үүрэг гүйцэтгэнэ DNN.mn

Post author By Админ
Post date 2024-06-28
No Comments on 13 аймгийн 68 томоохон гол мөрөн дээр 421 алба хаагч үүрэг гүйцэтгэнэ DNN.mn

Онцгой байдлын ерөнхий газрын Шуурхай штабаас орон нутгийн шуурхай штабуудтай хамтран УИХ-ын ээлжит сонгуулийн санал авах өдөртэй холбогдуулан болзошгүй гамшиг ослоос урьдчилан сэргийлэх хүрээнд бэлэн байдлыг ханган ажиллаж байна.

Тодруулбал, Архангай, Баян-Өлгий, Баянхонгор, Булган, Дорнод, Завхан, Өвөрхангай, Сэлэнгэ, Сүхбаатар, Увс, Ховд, Хөвсгөл, Хэнтий нийт 13 аймгийн 62 сумын нутагт томоохон гол, мөрний сав газарт 96 сонгуулийн санал авах хэсгийн хороо байршиж байгаа юм.

Тиймээс дээрх байршлуудад санал өгөх иргэдийг шаардлагатай тохиолдолд гол мөрнөөр гаргах, аюулгүй байдлыг хангахаар 13 аймгийн 68 томоохон гол мөрөн дээр Онцгой байдлын байгууллагын 421 алба хаагч, 115 автомашин, 51 завь, 339 хантаазтай үүрэг гүйцэтгэхээр бэлтгэл бэлэн байдлыг хангаад байна.

Өнөөдөр 859 автобус нийтийн тээвэрт үйлчилж байна DNN.mn

Post author By ДАВААДОРЖИЙН ОТГОНТУЯА
Post date 2024-06-28
No Comments on Өнөөдөр 859 автобус нийтийн тээвэрт үйлчилж байна DNN.mn

2024 оны зургадугаар сарын 28-ны өдрийн 10:00 цагийн байдлаар 859 тээврийн хэрэгсэл үйлчилгээнд ажиллаж байна.

мэдээ улс-төр цаг-үе

11 цагийн байдлаар 400 мянган сонгогч саналаа өгөөд байна DNN.mn

Post author By Админ
Post date 2024-06-28
No Comments on 11 цагийн байдлаар 400 мянган сонгогч саналаа өгөөд байна DNN.mn

11:00 цагийн байдлаар улсын хэмжээнд 400 мянга гаруй сонгогч саналаа өгсөн нь нийт сонгогчдын 20 гаруй хувьд хүрчээ.

Сонгуулийн ерөнхий хорооны дарга П.Дэлгэрнаран “УИХ-ын 2020 оны сонгууль, 2021 оны Ерөнхийлөгчийн сонгуулийн ирцтэй харьцуулахад энэ удаагийн сонгуульд саналаа өгсөн сонгогчдын ирц өндөр байна. Аймаг болон сумдад иргэд идэвхтэй саналаа өгч байна. Дугаар үүссэн байдалтай байна. Энэ эрчээр санал хураалт үргэлжилбэл хуулийн хугацаанд санал хураалт амжилттай явж дуусах төлөвтэй байна гэв.

мэдээ улс-төр

16 мянга гаруй сонгогч битүүмжилсэн саналын хайрцгаар саналаа өгчээ DNN.mn

2024 оны УИХ-ын ээлжит сонгуульд улсын хэмжээнд 16 мянга гаруй сонгогч битүүмжилсэн саналын хайрцгаар саналаа өгчээ.

Хүсэлтийн дагуу өчигдөр /2024.06.27/ сонгуулийн хэсгийн хорооны ажилтнууд, ажиглагчдын хамт айлуудаар явж иргэдийн саналыг авчээ.

Тодруулбал, хайрцгаар санал авах ажиллагаа зургаадугаар сарын 27-ны 09:00 цагаас 20:00 цагийн хооронд үргэлжилсэн бөгөөд өнөө өглөө 07:00 цагт сонгуулийн хэсгийн хороод санал авч эхлэхэд зөөврийн хайрцгийн битүүмжлэлийг ажиглагчдын өмнө задалж, саналын хуудсыг санал тоолох машинд уншуулсан байна.

мэдээ нийгэм цаг-үе

Аялал зугаалгын үед болзошгүй үерийн эрсдэлээс урьдчилан сэргийлэх зөвлөмж DNN.mn

Аялал зугаалгын үед болзошгүй үерийн эрсдэлээс урьдчилан сэргийлэх зөвлөмжийг хүргэж байна

Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх;
Хүүхдийг гол горхи, нуур, цөөрмийн ойр тоглуулахгүй байх;
Согтууруулах ундаа хэрэглэсэн үедээ гол усанд орохгүй байх;
Булчин, шөрмөс татсан үед гол усанд орохоос татгалзах;
Гол горхи, нуурын ус гатлахдаа зориулалтын баталгаат зам гүүрээр зорчих;
Голын эрэг дагуу байрласан сануулга, самбаруудыг анхаарч аюулгүй байдлаа хангах;
Хийлдэг гудас, завьтай голд орохгүй байж гол, усны ослоос сэргийлэхийг анхааруулж байна.

Зургаадугаар сарын 23-29-ний өдрийн 00:00 цаг хүртэл нийслэлийн хэмжээнд гамшгаас хамгаалах өндөржүүлсэн бэлэн байдлыг зэрэгт шилжүүлсэн.

мэдээ спорт

Б.Хонгорзул Парисын олимпод оролцохоор боллоо DNN.mn

Post author By Админ
Post date 2024-06-28
1 Comment on Б.Хонгорзул Парисын олимпод оролцохоор боллоо DNN.mn

Олон улсын олимпын хорооноос Орос, Беларусын тамирчдын талаар гаргасан шийдвэртэй холбоотойгоор Дэлхийн бөхийн нэгдсэн холбооноос олимпын квотод дахин хуваарилалт хийжээ.

Ингэхдээ журмын дагуу жендерийн тэгш байдлыг харгалзан, эрх аваагүй үлдсэн хамгийн өндөр чансаатай олимпын хороонд квот өгөх шийдвэрийн дагуу чөлөөт бөхийн эмэгтэйчүүдийн 57 кг-д манай тамирчин Б.Хонгорзул Парис-2024 зуны XXXIII олимпын наадамд оролцохоор боллоо.

Ингэснээр манай эмэгтэйчүүд бүтэн багаараа Парисыг зорино.

мэдээ улс-төр

Монгол Улсын Ерөнхийлөгч У.Хүрэлсүх саналаа өглөө DNN.mn

Post author By Админ
Post date 2024-06-28
No Comments on Монгол Улсын Ерөнхийлөгч У.Хүрэлсүх саналаа өглөө DNN.mn

Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт Баянзүрх дүүргийн 48 дугаар сургуульд байрлах 8-1-1-3 дугаар хэсгийн хорооны санал авах байранд саналаа өглөө.

Тус хэсгийн хороонд 1,726 сонгогч бүртгэгдсэн бөгөөд 11.00 цагийн байдлаар санал хураалтын явц 16.28 хувьтай байлаа.

Энэ удаагийн сонгууль анхдугаар Үндсэн хууль батлагдсаны түүхт 100 жилийн ойтой давхцаж байгааг Ерөнхийлөгч У.Хүрэлсүх онцоллоо. Тэр бээр Үндсэн хуулиар олгогдсон эрхээ эдэлж, ардчилсан сонгуульдаа идэвхтэй оролцохыг ард иргэдэд уриаллаа.

Энэ удаагийн сонгуулийн дүнгээр тойргоос 78, жагсаалтаар 48 гишүүн сонгогдоно. Нийслэлд хамаарах зургаан тойрогт 24, хөдөө, орон нутагт хамаарах долоон тойрогт 54 суудал ногдож байна.

19 нам, хоёр эвслээс болон бие даан нийт 1,341 хүн нэр дэвшсэн нь 1992 оноос хойш хамгийн их нам, эвсэл оролцож байгаа сонгууль юм.

Нэр дэвшигчдийн 61.2 хувь нь эрэгтэй, 38.8 хувь нь эмэгтэй. Хамгийн ахмад нь 79 настай, хамгийн залуу нь 25 настай.

Сонгогчийн нэрийн жагсаалтад бүртгэгдсэн 2,224,233 иргэн саналаа өгөх бөгөөд 1,143,172 нь орон нутагт, 1.081,061 нь нийслэлийнх юм.

Сонгогчийн саналыг 2,198 санал авах байранд 2,943 санал тоолох төхөөрөмжөөр уншуулан, дүн гаргаж, 100 хувь гар аргаар хяналтын тооллого хийнэ.

Иргэд сонгуульдаа оролцох боломжийг бүрдүүлэхийн төлөө 25 мянга гаруй төрийн албан хаагч ажиллаж байна.

Сонгуулийг дотоодын 30 мянга, гадаадын 260 орчим ажиглагч ажиглаж, дотоодын хэвлэл мэдээллийн байгууллагаас гадна олон улсын 12 агентлаг сурвалжилж байна.

мэдээ нийгэм

Ерөнхийлөгч 48 дугаар сургуульд, Ерөнхий сайд “Саруул” хотхонд саналаа өгнө DNN.mn

Ерөнхийлөгч У.Хүрэлсүх 11:00 цагт Баянзүрх дүүргийн 48 дугаар сургуульд саналаа өгнө. Ерөнхий сайд Л.Оюун-Эрдэнэ 11:40 цагт Баянзүрх дүүргийн 26-р хорооны нутаг дэвсгэр Саруул хотхонд байрлах сонгуулийн 8-1-3-4 дэх хэсгийн хороонд саналаа өгөх юм байна.

мэдээ улс-төр

10:00 цагийн байдлаар улсын хэмжээнд ирц 13.9 хувьтай байна DNN.mn

Post author By Админ
Post date 2024-06-28
1 Comment on 10:00 цагийн байдлаар улсын хэмжээнд ирц 13.9 хувьтай байна DNN.mn

Улсын хэмжээнд УИХ-ын 126 гишүүнийг сонгох санал хураалт өнөөдөр 07:00 цагт эхэлснээс хойш гурван цагийн дараа буюу 10:00 цагийн байдлаар нийт сонгогчдын ирц 12.3%-д хүрчээ.

Улаанбаатарт: