ПАРИС-2024: ОУХМ Э.Даваахүү 578 оноогоор шилдэг наймын нэг болж дараагийн шатанд өрсөлдөхөөр боллоо
Буудлагын 10 метрийн хийн гар буун эрэгтэйчүүдийн дасгалын төрөлд 33 тамирчин өрсөлдсөнөөс манай тамирчин Э.Даваахүү 578 оноогоор шилдэг наймын нэг болж дараагийн шатанд өрсөлдөхөөр боллоо.
-Сайн байна уу өдрийн мэнд та өөрийгөө товч танилцуулахүй юу?
-Сайн байна уу намайг Нарантуяа овогтой Тэмүүжин гэдэг миний бие 2010 оноос хойш УБТЗ-ХНН -ийн УБ ТАТАХ ХЭСЭГТ туслах машинч, зааварлагч машинч- сургагч зэрэг албан тушаал хашиж одоогоор 14 дэх жилдээ тасралтгүй ажиллаж байна.
–Төмөр замын сургалтын үйл ажиллагаанд шинэ систем нэвтэрсэн байна. Энэ талаараа дэлгэрэнгүй мэдээлэл өгөөч
-Зааварлагч машинч -сургагч албан тушаалд ирээд 3 дахь жилдээ ажиллаж байна. Анх ковид-19 цар тахал гарч бүгд хорионд орж ажиллах үед сургалтыг цахимд шилжүүлэх ёстой болж сургагч зааварлагч машинч Ц.Золбаатар Gosmart компанитай хамтран My railway app ашиглаж эхэлсэн. Миний бие ажил авснаас хойш цахим сургалтын систем My railway хөгжүүлэлт хийж одоогийн байдлаар 3000 орчим машинч, туслах машинч, инженер, засварчид ашиглаж байна.
-Энэ сургалтын системийн давуу тал нь юу вэ?
-Цахим сургалтын систем My railway app ажилтнууд гар утсандаа татаж өөрт хэрэгтэй ном, видео хичээл, шалгалт, тест , сургалтын хичээлийг бүгдийн үзэж харах боломжтой. Энэхүү систем нь байгальд ээлтэй цаасны хаягдлыг багасгаж байна.
-Ямар зорилгоор энэхүү системийг нэвтрүүлэх болсон бэ?
Ковид 19-ын үеэр цахим шилжилт хийх нөхцөл байдлаас үүдэн энэхүү системийг нэвтрүүлсэн нь өнөөдрийн байдлаар шат дараалалтайгаар олон дэвшилтэд хүрээд байна.
-Ажилчдын дундах сэтгэл ханамж ямар байгаа вэ?
-My railway хөгжүүлэлт хийж одоогийн байдлаар 3000 орчим машинч, туслах машинч, инженер, засварчид ашиглаж байна. Эдгээр ажилчдын дунд давуу тал нь ахин ашиглах боломжтой, сэргээн санах цаг хугацаа хэмнэх гэх мэт олон боломжит нөхцөлөөр ажилчдыг хангаж байгаа юм.
-Цаашдаа сайжруулах боломжит зүйлс бий юу?
-Мэдээж байгаа бид цахим сургалтаа ашиглан гарын авлага нэвтрүүлж ажилчдыг хэрэгтэй мэдээлэл, хичээл, сургалтаар тасралтгүй хангах зорилготой ажиллаж эхний үе шат маань дуусаж гарын авлага маань хэвлэгдэж ажилчдад хүрээд цаашлаад эдгээрийг улам хөгжүүлж бүрэн цахим шилжилтэд орно гэдэгт итгэлтэй байна.
Э.БАДАМГАРАВ.
Хот байгуулалт, барилга, орон сууцжуулалтын сайд Ж.Батсуур өчигдөр салбарын төлөөлөл, ТББ, мэргэжлийн холбоодын удирдлагатай уулзлаа.
Тэрбээр энэ үеэр “Шинэ яам хот байгуулалтыг төлөвлөх, байгуулж буй хотуудаа орон сууцжуулж дэд бүтцээр хангах зорилго бүхий үүрэгтэй ажиллана. Бидний гол бодлого хөдөө орон нутаг, суманд амьдарч буй иргэдийн амьдралын чанарыг сайжруулж хот, суурин газар оршин сууж буй иргэдтэй аль болох ойртуулж, ижил төстэй болгох явдал юм. Ингэснээр нийслэл хотын авто замын хөдөлгөөний түгжрэл, утаа, бухимдал, төрийн байгууллагууд дахь авлига, төвлөрлийг сааруулж багасгана. Зөв бодлого барьж чадвал хэрэгжинэ. Ирэх дөрвөн жилд Засгийн газрыг Улаанбаатар хотоос гаргахаар төлөвлөж байна. Ингэснээр яам, тамгын газар, төрийн захиргааны байгууллагууд руу тэмүүлж байдаг тэр их хүч, хөл хөдөлгөөн сарнина.
Манай улсад урьд өмнө хэрэгжүүлж байгаагүй том том гүүрэн байгууламжийн бүтээн байгуулалт хүлээгдэж байгаа. Богд уулыг Зайсангийн амаар Кувэйтийн амтай холбох тунель болон нийслэл дэх метро, RTI, хурдны галт тэрэгний зам тавих, мөн Улаанбаатарыг тойрсон Хөшигийн хөндийгөөс эхлээд Шинэ Зуунмод, Майдар хот болон Хархорин хотыг байгуулах, түүнчлэн улсын болон орон нутгийн чанартай хотуудыг байгуулах, тэдгээрийг орон сууцжуулах бодлогыг барьж хэрэгжүүлнэ. Тиймээс бид ирэх оны төсвийг хүлээж хугацаа алдахгүйгээр шинэ Засгийн газар удахгүй төсвийн тодотгол хийх замаар бүтээн байгуулалтын төсвийг шийднэ. Тойрог хот байгуулах бүтээн байгуулалтыг энэ намраас эхлүүлнэ” гэв.
Ирэх даваа гариг буюу долдугаар сарын 29-нөөс наймдугаар сарын 12-ны хооронд 14 хоног дараах байршлуудад халуун ус хязгаарлахыг “УБДС” ТӨХК-аас мэдээллээ.
Халуун ус хангамжтай холбоотой санал хүсэлтээ 7004-7005 дугаарын утсаар лавлах боломжтойг мэдээллээ.
Үерийн усанд агуулагдах эмгэгтөрөгч бичил биетүүд нь халдварт өвчин үүгэх эрсдэлтэйг ЭМЯ-наас онцгойлон анхааруулж байна.
Тухайлбал, үерийн бохир усанд ил шархтай орсон тохиолдолд арьс доорх холбогч эдийн үрэвсэл, буглаа, улмаар хүндэсрэн үед үхжил үүсгэгч фасцит өвчин үүсэх аюултай аж.
Мөн псевдомоназын халдвар нь арьс, зөөлөн эдийн халдвар үүсгэх ба ил шархаар мөн халдвар үүсгэдэг байна. Тиймээс дархлаа султай хүмүүст халдварт өвчин хүндрэх эрсдэлтэй юм байна.
Иймд үерийн усанд өртсөн шархыг цаг алдалгүй халдваргүйжүүлж, эмнэлгийн тусламж авахыг зөвлөж байна.
Олон улсын чанартай А14 дугаартай Манхан-Булган-Улсын хил чиглэлийн авто замд хүчтэй аадар бороо орсны улмаас 120-133км-ийн хооронд уулын чулуулгийн нуранги үүсэж, зам хаагдсан.
Тухайн авто замыг шуурхай нээхээр “Ховд-АЗЗА” ТӨХК-ийн инженер техникийн ажилчдын бүрэлдэхүүн ажиллаж байна.
Мөн А1101 Мөрөн-Хатгал-Улсын хил чиглэлийн замд үерийн улмаас угаагдаж, эвдрэл гэмтэл үүссэн хэсгийг “Хөвсгөл зам” ХХК засварлаж байгааг албаныхан мэдээллээ.
2024 оны зургадугаар сард хэрэглээний үнийн индекс улсын хэмжээнд өмнөх оны мөн үеэс 5.1 хувиар өссөнийг Үндэсний Статистикийн хороо тайлагналаа. Инфляци ийнхүү Төв банкны зорилтот түвшинд байгаа ч 2025 оны эхний улиралд 7.6 хувь болж эргэн өснө гэсэн төсөөллийг шинжээчид гаргаад байгаа юм. Хэрэглээний бараа үйлчилгээний үнийн 1.4 нэгж хувь нь хүнсний бараа, ундаа, усны бүлгийн үнийн өсөлтөөс шалтгаалсан байна.
Монголбанк мөнгөний бодлогын хүүг 11 хувьд хэвээр хадгалах шийдвэр гаргасан. Түүнчлэн худалдааны түнш орнуудын инфляци буурч, төгрөгийн гадаад валюттай харьцах ханш тогтвортой байснаар импортын бараа, бүтээгдэхүүний үнийн өсөлт саарах хандлага үргэлжилж, дотоодын хүнсний үнийн өсөлт саарч байгаа нь инфляци буурахад голлон нөлөөлжээ. Цаашид инфляци зорилтот интервалд байх хүлээлт хэвээр байгааг Төв банк тодотгож байсан юм
Өнөөдөр нийслэлийн Онцгой байдлын газарт гэр, байшин үерийн усанд автсан, автомашин голын салаанд боогдсон гэх 5 удаагийн дуудлага мэдээлэл бүртгэгдэж алба хаагчид шуурхай үүрэг гүйцэтгэж, 3 иргэний амь насыг авран хамгааллаа.
Иймд:
Голын эрэг дагуу бууж суурьшихгүй байх,
Бага насны хүүхдүүдэд хараа хяналт тавих,
Голын татам хөвөө болон үерийн аманд суурьшихгүй байх,
Баталгаатай гарам гүүрээр зорчиж урьдчилан сэргийлэх арга хэмжээг авч ажиллахыг иргэд та бүхэндээ онцгойлон анхааруулж байна.
Малчид, иргэд, тээвэрчид, аялагчдын анхааралд: Өнөөдөр нутгийн зүүн хэсгээр бороо үргэлжлэн орох тул Сэлбэ, Туул, Тэрэлж, Хэрлэн, Онон, Улз, Халх голуудын усны түвшин улам нэмэгдэхийг иргэд, аялагчдад онцгойлон анхааруулж байна.
2024 оны долдугаар сарын 27-ны 08 цагаас 20 цаг хүртэл: Нутгийн зүүн хэсгээр үүлэрхэг, бусад нутгаар солигдмол үүлтэй. Баруун аймгуудын нутгийн хойд хэсэг, төв болон зүүн аймгуудын нутгийн зарим газраар бороо, дуу цахилгаантай аадар бороо орно. Салхи нутгийн баруун хэсгээр баруун өмнөөс, бусад нутгаар баруун хойноос секундэд 6-11 метр, борооны өмнө түр зуур ширүүснэ. Дархадын хотгор болон Хэнтийн уулархаг нутаг, Онон, Улз, Халх голын хөндийгөөр 17-22 хэм, Их нууруудын хотгор, говийн бүс нутгийн өмнөд хэсгээр 30-35 хэм, бусад нутгаар 22-27 хэм дулаан байна.
2024 оны долдугаар сарын 28-наас 2024 оны наймдугаар сарын 1-нийг хүртэлх цаг агаарын урьдчилсан төлөв
28-нд нутгийн зарим газраар, 29-нд төв, зүүн аймгуудын нутгийн хойд хэсгээр, 30,31-нд нутгийн хойд хэсгээр бороо, дуу цахилгаантай аадар бороо орно. Салхи борооны өмнө түр зуур ширүүснэ. Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчмоор шөнөдөө 5-10 хэм, өдөртөө 18-23 хэм, Их нууруудын хотгор, говийн бүс нутгийн баруун өмнөд хэсгээр шөнөдөө 19-24 хэм, өдөртөө 33-38 хэм, говийн бүс нутгийн зүүн өмнөд хэсгээр шөнөдөө 15-20 хэм, өдөртөө 28-33 хэм, бусад нутгаар шөнөдөө 11-16 хэм, өдөртөө 23-28 хэм дулаан байна.
Монгол Улсын Ерөнхийлөгч Ухнаагийн Хүрэлсүх гэргий Лувсандоржийн Болорцэцэгийн хамт Бүгд Найрамдах Франц Улсын нийслэл Парис хотноо болж буй зуны Олимпын XXXIII наадмын нээлтийн ажиллагаанд оролцлоо.
Энэхүү арга хэмжээнд нийт 60 гаруй улсын төр, засгийн тэргүүн, олон улсын байгууллагын удирдлага оролцов.
Бүгд Найрамдах Франц Улс нь Парис хотноо Олимпын наадмыг 3 дахь удаагаа зохион байгуулж байгаа ба Олимпын нээлтийн ёслол нь анх удаа цэнгэлдэх хүрээлэнд бус үзэсгэлэнт Сена мөрний дагуу болсноороо онцлогтой байв.
Олимпын наадамд оролцох нийт 184 улсын 10,500 тамирчид Сена мөрний дагуу 6 км замаар үргэлжлэх 160 завиар парад хийж оролцов.
Энэ удаагийн зуны Олимп нь 2024 оны 07 дугаар сарын 26-аас 08 дугаар сарын 11-ний өдрүүдэд болох ба манай улсын тамирчид чөлөөт бөх, жүдо бөх, бокс, буудлага, байт харваа, усанд сэлэлт, дугуй, хөнгөн атлетик, хүндийн өргөлт зэрэг спортын 9 төрөлд 33 эрх авч оролцож байна.
Харин ирэх 08 дугаар сарын 28-аас 09 дүгээр сарын 08-ны өдрүүдэд болох Паралимпын наадмын пара пауэрлифтинг, пара байт харваа, пара таеквондо, пара усанд сэлэлт, пара жүдо, пара хөнгөн атлетик зэрэг 6 төрөлд 10 эрх, нийт 44 эрхтэйгээр оролцоно.
