Хэнтий нуруунаас эхтэй Туул голын усны түвшин нэмэгдэж үерийн аюултай түшинг даваад буй. ХУД-ийн 12 дугаар хороо, Биокомбинат, Сонгинын амралтын орчимд Туул голын эрэг нурж, голын ус айлын хашаа руу орох эрсдэл үүсчээ.
Тус байршилд түр далан хийж, голын эрэг орчмын айл өрхийг нүүлгэж байгааг НОК-ын Шуурхай штабаас мэдээллээ.
Цагдаагийн байгууллага өнгөрсөн долоо хоногт буюу энэ сарын сарын 22-ны өдрөөс 26-ны өдрүүдэд хэрэг бүртгэлтийн 34.318, мөрдөн байцаалтын 2.853 хэрэгт мөрдөн шалгах ажиллагаа явуулж “Шүүхэд шилжүүлэх саналтай” прокурорын байгууллагад 371 хэргийг хүргүүлсэн.
Үүнээс хүний амьд явах эрхийн эсрэг 2, хүний эрүүл мэндийн халдашгүй байдлын эсрэг 129, хүний бэлгийн эрх чөлөө халдашгүй байдлын эрэг 11, өмчлөх эрхийн эсрэг 149, олон нийтийн аюулгүй байдал, ашиг сонирхлын эсрэг 9, хүрээлэн байгаа орчны эсрэг 6, хөдөлгөөний аюулгүй байдал, тээврийн хэрэгслийн ашиглалтын журмын эсрэг 59, бусад 6 хэрэг байна.
Зөрчлийн шинжтэй 45.881 зөрчилд 45.508 хүн холбогдуулан шалгаж зөрчил шалган шийдвэрлэх ажиллагаа явуулж, 197 иргэнд баривчлах шийтгэл оногдуулж, 45 баривчилж, эрх хасаж, 318 иргэнийг торгож, эрх хасаж, 1 насан хүрээгүй иргэнийг сургалтад хамруулж, 44.947 иргэнийг шийтгэврээр торгож шийдвэрлэсэн байна.
Мөн 45.881 зөрчлийн шинжтэй үйлдэлд зөрчил шалган шийдвэрлэх ажиллагаа явуулж, эрх бүхий албан тушаалтны шийдвэрээр 44.865 шийдвэрлэж, шүүхээр 643 зөрчлийг шийдвэрлүүлсэн байна.
Хүүхдийн эрхийг зөрчсөн 61 иргэнд 18.030.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 146 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ
Эмээлт захын түүхий эдийн үнэ ханшийн /2024.07.29/ мэдээллийг хүргэж байна.
Ямааны арьс, өлөн хамт – 300 төгрөг
Хонины нэхий, өлөн хамт – 2500 төгрөг
Хонины ноос 1 кг – 2000 төгрөг
Үхрийн шир- 5000 төгрөг
Адууны шир сүүлтэй-13.000 төгрөг
Адууны сүүл ширхэг нь- 10.000 төгрөг
Адууны дэл 1 кг – 2500 төгрөг
Адууны сүүл 1 кг нь-12.000 төгрөг
Адууны цагаан шир- 50.000 төгрөг
Сарлагийн шир сүүлтэй -27.000 төгрөг
Сарлагийн сүүл-23.000 төгрөг
Бухын шир-35.000 төгрөг
Сарлагийн хөөвөр -23.000 төгрөг
Тэмээний ноос 1 кг -25.000 төгрөг байна.
Эх сурвалж: ХХААХҮЯ-ны харьяа Малчин лавлах 109 мэдээллийн төв
А40 дугаартай Улаанбаатар-Хөшигийн хөндий чиглэлийн тууш авто замын 4-5 км хооронд долдугаар сарын 28-ны өдрийн 20.00 цаг орчим үeр бууж тухайн замын зорчих хэсэг усанд автсан.
Зам хариуцагч “Төв-АЗЗА” ТӨХК газар дээр нь шуурхай арга хэмжээ авч зорчих хэсэгт тогтсон лаг, шаврыг бүрэн цэвэрлэсэн байна.
Парисын олимпод оролцож буй 206 орны багаас гурван өдрийн байдлаар 28 орон медаль хүртжээ.
Медалийн хүснэгтийг дөрвөн алтан медалиар Япон тэргүүлж байна.
Харин манай улс нэг мөнгөн медальтайгаар 16 дугаарт эрэмбэлэгдэж байна.
Замын Хөдөлгөөний Удирдлагын Төв(ЗХУТ)-өөс өнгөрсөн долоо хоногт буюу долдугаар сарын 22-26-нд бүртгэгдсэн зөрчлийн мэдээллийг танилцууллаа.
Дурдсан хугацаанд нийслэлд хурд хэтрүүлсэн болон дугаарын хязгаарлалтай өдөр замын хөдөлгөөнд оролцсон зөрчил бүртгэгдээгүй байна. Харин чиглэлийн тээврийн хэрэгслийн эгнээгээр байрлан явсан 20,878, түр болон удаан зогсохыг хориглосон газарт зогссон зөрчил 756 бүртгэгджээ.
Түүнчлэн замын хөдөлгөөний зөрчлийн 636 мэдээлэл E-Police аппликэйшнээр ирсэн байна.
Японы мэргэжлийн сумо бөхийн Нагоя башё өчигдөр өндөрлөлөө.
Тус Нагоя башёгийн түрүү бөхөөр мэргэжлийн сумо бөхийн 73 дахь Ёкозүна, Монгол Улсын гавьяат тамирчин Тэрүнофүжи Г.Ган-Эрдэнэ тодорлоо. Тэрбээр мэргэжлийн сумо бөхийн дээд зиндааны арав дахь түрүүгээ хүртэж байна.
Он гарсаар улсын хэмжээнд 3.5 магнитудаас дээш газар хөдлөлтийн чичирхийлэл 54 тохиолдол бүртгэгдсэн байна.
Энэ сарын 28, 29-ны өдрүүдэд 4.1, 4.2 магнитудын хүчтэй газар хөдлөлтийн тохиолдол бүртгэгдсэн талаар Одон орон геофизикийн хүрээлэнгээс мэдээлж буй юм.
Дээрх газар хөдлөлтийн чичирхийлэл иргэдэд мэдрэгдээгүй бөгөөд хохирол учраагүй аж.
Ногоон автобус”-ны гэх хэргийн гэм буруугийн шүүх хурал өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд товлогдоод байв.
Гэвч өмгөөлөгч нарын гаргасан хүсэлтийн дагуу наймдугаар сарын 12-ны 10:00 цаг хүртэл хойшлогджээ.
Баянгол дүүрэг, Хасбаатарын гудамж буюу Өргөө кино театрын хойд уулзвараас ЭХЭМҮТ-ийн уулзвар хүртэлх авто замыг шинэчилж, хөдөлгөөнийг нээлээ
