Нийтийн тээврийн хэрэгслээр зорчих үнийн тариф өөрчлөгдөж 500 төгрөг болсонтой холбоотойгоор ирэх 2015 оны нэгдүгээр сарын 1-ний өдрөөс оюутнуудыг нийтийн тээврээр төлбөртэйгээр зорчуулах асуудал яригдаж байсан.
Тэгвэл уг асуудлаар Монголын Оюутны холбооны зүгээс өнгөрөгч 11 дүгээр сарын 17-ны өдөр нийслэлийн Нийтийн тээврийн газарт шаардлага хүргүүлсэн байна. Тус шаардлагыг хүлээг авч “2014-2015 оны хичээлийн жилийг дуустал оюутнууд цахим картаа ашиглан нийтийн тээврийн хэрэгслээр үнэ төлбөргүй, цаг харгалзахгүй зорчуулна” гэж мэдэгджээ.