Сэлэнгэ аймаг дахь Хилийн цэргийн 0243 дугаар ангийн хариуцсан хилийн хэсэгт хил зөрчих явдал өмнөх жилийнхээс 18.7 хувиар өссөн байна.
Өнгөрөгч сард гэхэд ОХУ-ын гурван иргэн согтууруулах ундааны зүйл хэрэглэсэн үедээ Монголын хилийг зөрчин нэвтэрсэн хэрэг гарчээ. Харин монгол талаас найман удаагийн үйлдлээр 31 иргэн ОХУ руу хил зөрчиж ОХУ-аас хууль бусаар хар тамхи мансууруулах бодис нэвтрүүлэхийг завдсан хэргүүд гарсан байна.
Мөн Монгол талаас шонхор шувууг хил давуулахыг завдсан хэрэг ихэсчээ. Хилийн цэрэг, тагнуул, цагдаагийн алба хаагчдын хамтарсан баг Хөвсгөл аймгийн Ханхын боомтоор 40 ширхэг шонхор шувуу хил давуулах гэж байсныг илрүүлжээ.
Цаашид энэ төрлийн гэмт хэрэг ихэсч болзошгүй байна хэмээн албаныхан мэдээлэв.