2020 оны олимпийн эрх олгох 23 хүртэлх насны залуучуудын хөлбөмбөгийн Азийн аварга шалгаруулах тэмцээн Тайланд Улсад өчигдөр шөнө Ирак болон Австралийн шигшээ багуудын тоглолтоор эхэллээ. Нэгдүгээр сарын 26-ныг хүртэл үргэлжлэх энэхүү тэмцээнд Азийн шилдэг 16 баг өрсөлдөж байгаа юм. Дөрөв дэх удаагаа зохион байгуулагдаж буй уг тэмцээний нээлтийн тоглолтонд Ирак, Австралийн багууд 1:1 харьцаатайгаар тэнцлээ. “А” хэсгийн нөгөө тоглолт Тайланд болон Бахрейний шигшээ багуудын хооронд явагдаж, тэмцээнийг зохион байгуулагчид өрсөлдөгчөө 5:0 харьцаатайгаар хожсон юм. Харин өнөөдөр “B” болон “С” хэсгийн эхний тоглолтууд явагдах юм. Энэхүү тэмцээний эхний гурван байрт орсон багуудад олимпийн эрх олгох билээ.
У.ЧИНЗОРИГ