м
ОХУ дэлхийд анх удаа амьтдад зориулсан коронавирусийн эсрэг вакциныг бүртгэж авсан байна.
Тус вакциныг Хөдөө аж ахуйн хяналтын газрын /Россельхознадзор/ орлогч дарга Константин Савенков сэтгүүлчдэд мэдээлжээ.
“Россельхознадзорын харьяа Холбооны малын эрүүл мэндийн төвөөс бүтээсэн идэвхгүйжүүлсэн “Карнивак-Ков” хэмээх коронавирусийн халдварын эсрэг вакциныг ОХУ-д бүртгэлээ.
Энэ бол амьтдад зориулсан дэлхийд анхны цорын ганц Ковид-19-өөс урьдчилан сэргийлэх бэлдмэл юм” гэж Россельхознадзорын мэдэгдэлд дурджээ.
Өнгөрсөн оны аравдугаар сараас эхэлсэн вакцины клиник туршилтад нохой, муур, арктикийн үнэг, усны нохой, үнэг болон бусад амьтад хамрагджээ. Вакцинд хамрагдсан бүх амьтанд 100 хувь эсрэгбие үүссэн байна.
Уг вакциныг дөрөвдүгээр сараас үйлдвэрлэж эхлэх аж.