Цаг, уур орчны шинжилгээний газраас гаргасан мэдээллээр Монгол орны нийт нутгаар ойрын хэд хоногтоо халуун байх нь. Улаанбаатар хотод л гэхэд өнөөдөр өдөртөө 29 хэмийн халуун, шөнөдөө 14 хэм байна. Наймдугаар сарын 10-ны даваа гаригт Улаанбаатарт 33 хэм хүрч халах бол мягмар, лхагва гаригуудад 30 хэм хүртэл халах гэнэ.
Агаарын температур огцом нэмэгдэхтэй зэрэгцэн нарших, даралт ихсэх, зүрх судасны өвчлөл нэмэгддэгийн дээр халууцсандаа хүмүүс гол, нуур барааддаг. Ингэхдээ анхаарал сэрэмжгүйгээс болж усанд живэх аюул нүүрлэж байгаа тул үер усны аюулаас сэрэмжлэхийг ОБЕГ, ЦЕГ-аас онцгойлон сануулж байна.