Өчигдөр 19.30 цагт МҮОНТВ-ээр НӨАТ-ын сугалааны эзэд тодорлоо. www.ebarimt.mn сайтад 3,301,493 баримт бүртгэгдсэнээс 3317 азтан тодорсон байна. Тэдгээрийн сүүлийн гурван орон таарсан 2,990 азтан 20 мянган төгрөгийн эзэн болж, харин дөрөв ба түүнээс дээш орон таарсан баримтаар 100 мянган төгрөгөөс дээш үнийн дүнтэй шагналын сангийн эзэд болж байгаа юм. Сугалааны тохиролд сүүлийн дөрвөн орон таарсан 287 баримт, сүүлийн таван орон таарсан 33 азтан, сүүлийн зургаан орон таарсан таван баримт, сүүлийн долоон орон таарсан нэг баримт эзнийгээ азтан болгожээ.
Сүүлийн долоон орон болох 5577825 дугаар таны баримттай тохирч байвал 20 сая төгрөг, сүүлийн зургаан орон болох 577825 дугаар таны баримтын дугаартай тохирч байвал 4 сая төгрөгийн таван азтан болох нь. Харин супер шагналын эзнээр 48830941 баримтын дугаартай нэг худалдан авагч азтан болж 200 сая төгрөг хожих боломжтой болжээ.
Дараагийн сугалааны тохирол МҮОНТВ-ээр хоёрдугаар сарын 7-нд шууд цацагдах юм байна.